كيف أمسيتن يالغاليات 
عندي موضوع مسبب ليه صداع .gif "12 (17)")
ألا هو الأشخاص المنافقين الي عندهم أكثر عن ويه . من يدام الشخص بويه ,, ومن وراه بويه ثاني…!!!
في وحدة الله يستر عليها دومها تيي عندنا في المكتب .. وتلوي ع زميلتي ( بما أنهن ربيعاات )
وتبويس وسلاام وتيلفونات .. عادة الصدمة…. أن حرمة ولد خالتيه .. تشتغل في منطقة ثااني .. بس في
الهيئة الأم .. الي نحن نتبعها .. فأنتدبو فلاانة .. الي دوم مطيحة عند زميلتي … لين الحينه الموضوع فاين .gif "55 (8)")
المهم…. فلانه المنتدبة هناك .. تعرفت ع حرمة ولد خالتيه .. وسالفة مني مناك…. قامت تفضفض .. عادة الحريم مايصدقن يتعرفن ع فلانه .. من أول مكالمة أو بأول يلسه يخرن الأكو والماكو .. لاتقولن لاا 
~ طبعا مش الكل .. بس المعظم جي للاسف ..!
تمت هييج تحش في زميلتي وحليلها .. وتقول هاي مب حلوة .. ومتزوجة واحد حلو .. هي وين وزوجها وين ……!! ومن هالكلام …. عادة حرمة ولد خالتي خبرت خالتي .. وخالتي قالت ليه السالفة إلا جي من باب الرمسة العادية.. انا يوم تخبرتها عن اسم فلانه ,, والقسم الي تشتغل به .. عرفت انها صديقة زميلتي ….؟!
والله انقهررررررررررررررررررررت .. يااخي وين راحت البوسات والعلوم والهدايا وخلاافة ...gif "12 (85)")
عادة انا هاي غمضتني الصراحة -_-"
وما خبرتها .. ومستحيل أخبرها طبعااً لاني الحمد لله هب نقالة كلام , ولااني من قوم النميمة ,, نسأل الله العافية .. لو وحدة غيري جان علمت ,, وصارت علوم عندنا في الدوام خخ
والشي الثاني::
يابنات الدنيا صارت سووووبر صغيييييييييرة لوول
يعني الرمسة تعقينها في هالامارة.. تريي 5 دقايق إلاا واصلة لج العلوم
فلانه قالت وفلااانه سوت ….؟!
وتلاقين محد يعرف الثاني .. بس سالفة تنتقل لفلانه …. لفلانه …. لفلانه … لين توصل راعية الشاان ~ سبحان الله شوفو كيف الدنيا صغيرة .gif "12 (29)")
مره صارت هالسالفة لوحدة أعرفها,,, كانت يالسه عند الحناية ,, وتقول بتحنا يوم عرس واحد من هليه عندج .. وحدة كانت يالسه عند الحناية .. سألتها متى عرسكم .. ومنو ماخذين .. وهي ماتعرف هاي الحرمة.. قالت .. فلان ,, وبياخذ فلانه ,,, حراام يا أنها مازادت ع الرمسة..
جان تقول لها الحرمة .. هاي تشتغل في المكان الفلاني …؟
الي اعرفها .. قالت هي: …..
جان تقول تحملو تاخذونها ,, هاي فيها وفيها وفيها,,,,,,, وصدقها الحرمة … هاايج طلعت ××× الله يغفر لنا ولها
فتحملن ياابنات … وبعدين المفروض الشخص المسلم .. مايترك هالأشياء خوفاً من أن سوالفه تنتشر .. لكن لأن الله سبحانه وتعالى .. حرم ( الغيبة والنميمة ) …!
الغيبة : أنج تتكلمين عن شخص بأي شي يكرهه في غياابة
والنميمة: بأنج تنقلين الكلام.. تسيرين عند فلانه ,يمكن فضفضت لج عن فلانه وانها متضايقة منها او تكلمت عن حد, فانتي تجمعين الرمسة وربعة عن فلانه وعلانه وهاي قالت عنج .. وهاي وهاي …… .gif "12 (10)")
….!
تحذرن يابنات :
خطر الغيبة والنميمة
قال رسول الله: ( إن المفلس من أمتي يأتي يوم القيامة بصلاة وصيام وزكاة، ويأتي قد شتم هذا، وقذف هذا، وأكل مال هذا، وسفك دم هذا، وضرب هذا، فيعطى هذا من حسناته، وهذا من حسناته، فإن فنيت حسناته قبل أن يقضى ما عليه أخذ من خطاياهم فطرحت عليه، ثم طرح في النار! ) صحيح مسلم (2581)
همسة: فديت كل من تواصل معايه ع الخااص .. والحمدلله ترانيه ياجبل مايهزك ريح ،، بالعكس .. { ترا لاتقذف إلا الشجرة المثمرة .. .gif "13 (51)")
اللي اقصدة زميلتي ( ميثة ) .. تعرف وحدة اسمها (سارة)
وهن ربع وااااايد .. سارة انتدبوها وسارة منطقة ثانية عشان تشتغل في الهيئة الي نحن تابعين لها في الشغل
المهم: يوم سارت هناك تعرفت على حرمة ولد خالتي (فاطمة) .. وتمت تقول لها .. ميثة مب حلوة .. ومافيها حلاة وزوجها أحلى عنها ,, وجي ….××….. الي قهرني أن مثية وسارة ربيعااااات كيف جي تحش فيها….؟!
بس الدنيا صغيرة والله كبير .. العلوم وصلت لين عندي … بان فلانه متكلمة عن فلانه …
× اسامي الشخصيات من صنع خيالي عشان تصير عندكم تصور للي كتبته ×
عاد السموحـة ما فهمت منو الي تتكلم وحق منو ..
كثرتي علي المفردات ^^
بس الي فهمته ان أخت فيها نفاق ربي يصلح من حالها
وهذا مرض نفسي أختي ناتج عن احساس الإنسان بالنقص ..
فيحب ينقص من شان الآخرين عسب يظهر هو أحسن منهم
فما عليج المريض أختي معذور ( طبعا الله بيحاسبه )
بس نحن كناس عطانا رب العالمين عقل نفكر فيه وتقرر
نقول ربي يهديها ويصلح حالها ^^!
وما نهتم بكلامها لإنه يدل عن نفسها مب علينا
وصدقيني حبل الكذب قصير ودائما الي نفسه خبيثـة ينكشف ويكون منبوذ من الناس ..
فالله يعينها ويصلح حالها
وانتي أختي لا تهتمين
واثقـة من نفسج وكذلك أهلج فبرايهم الي يبغى يتكلم فيني شخصيا اقوله حياج ويزاج الله خير
كلها حسنات حقي كثرو منه
في الآخرة راجعـة لي يوم ما بينفعني لا مال ولا جاه
حسنات من صوبهم بضمنها والضامن الله ^^
ربي يهدي النفوس ويصلحها
ويعلمنا وينفهنا بما علمنا ^^
ايام المدرسة كنا نسوي هالحركة احين كبرنا ،، ههههههه
صدق قبل ما كنا نفهم ان هالشي غلط ،،،،
لكن احين عييييييييييييييييييييييييب فضيييييييييييييييييييييييييييييحة الصراحة شو يهال احنا انقول فلانية قالت عنج جي وجي وجي
يزاج الله خيير حبيبتي . . !!