مساكم معطر بروح الأمل والوجدان….
من بعد أنقطاع طويل رجعت لكم بكتاباتي….
املة من الله عزوجل يوفقني لكل ماهو
خير…..قوولوا آمييين
ما عرف شو أكتب….
والا كيف أخط جمله كلماااااتي
بس برمس عن شي لمسته في هالبشريه….
في هالناس اللي صارت مو هم اللي نعرفهم….حتي السلام يستخسرونه
ياااجماعة صارت الفونات اقصي الطرق للسؤال
بس هالزمن صارت النفوس شحيحة …على الرصيد.
الانسان يوم بيرفع الفون بس بيسلم حتى مابيكلفه 30 فلس بالكثير
سبحان الله هالزمن
ماتعرف اذا هالشخص بخير والا لا؟
ماتعرف اذا حي والا ميت؟
ماتعرف شو صار له بعد هالسنين؟
بس بتعرفة اذا خبروك انه مات… اذا فقدته…؟
ما اقول غير ان الدنيا بخير…
بس نفوس البشر تبالها صيانه….؟
اللهم نفسي 
مب كل الناس المفروض علينا نسأل عنهم ونتواصل وياهم …
انا بقارن حياتي قبل البلاك بيري وان شاء الله بعد البلاك بيري ..الي حسبت اني بقدر اتواصل مع المجموعه الي عندي ..تصدقين …قبل كانت توصلني مسجات الجمعه وساعات مسجات يسألون عني وجي وافرح وبينا اتصالات بين فتره وفتره …لكن من بدو الناس تستخدم هل الفون اليديد …انا من واقع تجربتي مع اني موجوده معاهم في اللسته …محد يعبر حـــــــد …بس فالحين نقل اخبار واشاعات وبروتكاست ..الخ ..والناس الي ما عندها بلاك بيري اكثر يتواصلن ويااي بالمسجات بين فتره وفتره …
الدنيا بخير والناس بعد فيهم خير …
لكن الي بيسأل عنج اكيد بتسألين عنه …
لكن الي ما يسأل عنج اذا بس كان يريد شي منج …هل النوعيه بتتواصلين ويااهم دايما ؟؟؟؟ اكيد لا ….
انا استويت اعامل ربيعاتي بالمثل اذا هن بدن يقطعني انا بعد بقطعهم …واذا تواصلو ويااي لو مره بالشهر …اتواصل ويااهم …
وصدقيني الناس ما تخاف من نقص الرصيد لا اللحين ما يفكرون في هل الشي شرات قبل …لانه شرات ما قلت لج …طلع البلاك بيري وكل الناس مشتركين في الخدمه بس تعالي حد يطرش يسأل عن حال فلانه ولا علانه ..ولا يسلم وجي …لا انا بس ها من تجربتي وللأسف ما استفدت من الخدمه ابد …واطير من الفرحه اذا وصلني مسج عادي …لاني عارفه انه المرسل شخص مب مطرش للكل نفس المسج خاصني بالرساله ..لو رساله عاديه …
والله المستعان
صدقج يا اختي مس uae
كلاااامج صحيح وانا وياج صرت اعامل ربيعاتي بالمثل
وكلااامج مقنع وااايد….وعيبني ردج….
تسلمين حبوووبه……؟
وياما ناس انتي ما تهتمين لهم
اهني تستغربين ويمكن تسالين نفسج مليون سؤال ..!
بس في ناس تركضين وراهم ,, بس هم بلا احسااس
الحمد لله على كـل شيء ,,
انا مازال عندي حب اني اتصل واسال ,, واهتم بأحوالهم
وما قدرت اتغير معاه يوم كبرت بالعكس ,, قويته اكثر
بس بالنهـايه ترا ما بنشـيل شيء غيـر قطعه بيضا واعمالنا ..
كنا ناكل ونشـرب وانام ونلبس وكل شيء مع بعض ,, لدرجه ان كل اللي يشوفنا يحسدنا
وتخرجنا من المدرسه وتخرجا من الجامعه ,, واهيه الله كتب لها وياها نصـيبها
لو بمســج ,, او اتصال بين فتره وفتره ,,بعد ما كنا معتبرين التلفون وسيله من وسائل الاتصال بينا
وعلى طول ,, قطعت وصرت ما جوفها ,, وهذي 4 سنوات لهاا من تزوجت ,, وكنت اسال عنها من بعيد لبعيد ,و طبعا بعد ما تجاهلت كل اتصالاتي ,, ورفضت انها تقابلني ,, من غير ما تبرر لي اي عذر ,, ما حبيت اجبرها ع شيء ,, وكانت يوم تمر في ازمات كنت اكون يمها بس بطريقه غير مباشـره ,, واهيه ابد مو مفتـكره
مب من باب المجامله ولا المدح ,,, بس ابد ما كنت اعيرها اي اهتمام
بس عرفت قيـمتها ,, بجد يوم احتاج لشخص اهيه اتكون يمي بدون ما اتكـلم ,,
وفي الشين واللي ناكر للمعروف
وفي الزين اللي نحن ما نفهمه ,,
كل اللي تعلمته منهم ومن هالحيـاه ان الطيـبه والتسامح مب دايما ينفع ,,
فعشـان جذا صرت اعــامل الناس بالمثـل ,, اللي يحترمني احطيه تاج فوق راسي
واللي ما يحترمني لي اسلوبي الخــاص ,, اللي اخليه يندم عليه لوووووول
شو نساوي اذا احنا سئلنا وما حدا سئل
انا ما ح اشكر نفسي
بس والله تعبت وانا اسئل وبالاخر بحس نفسي ثقيلة على الناس يمكن لانو ما بلقا اللى يسئل بالاخر
كل واحد بيدور على مصلحتوا ولو على حساب الغير
شو انساوي بنفوس البشر المريضة
صار همهم المصلحة الخاصة ولو بيضيعونا او بيبيعونا
الله الغني عنهم