النقاب

السلام عليكم خواتي

انا مب متنقبه و نادرا ما اتغشا و عادي اطلع و انا حاطه مكياج بس مب اوفر خفيف بس اليوم مادري شو ياني احس اني ابا اتنقب مادري بس ما احصل تشجيع من اهلي و حتي اللي يقربون لي مب متنقبات لو تنقبت احس بينظرون لي بنظره ماعرف كيف كاني وحده عيوز يعني انا عمري 32 و بنات انا عادي البس بناطلين و عباه مفتوحه يعني عادي اهلي ما يقوولون لي شي ماعرف احس ابا اتغير مره رحت مكان و مب متعدلة ماماتي قالتلي حطي شي فويهج و مكان كان مختلط يعني انا اهلي مب متدينين وايد
ماعرف انصحوني يعني شو اسوي ؟؟ يعني انا مانعه نفسي لاني ادري البنات في عايلتنا بيتكلمون لاني وحده احب اتعدل و فجأه اتنقب يعني بينصدمون والله يوم اشوف بنت متنقبه او لابسة عابه عالراس والله احسدها اقوول حظها ياريتني مثلها

انا قبل كنت اقوول لنفسي مستحيل البس نقاب

عمري 23 لوول غلطت

عادي حبيبتي سوي الي فخاطرج مدام انتي بتستري ما يخصج بغيرج خلهم يرمسون اهم شي راحتج انتي الي بتسوينه اتنقبي اتغشي في اماكن العامه اتكخشي في المناسبة في العزايم طبعا بدون مختلط بس خلي رايج لاتغرينه ما عليج من حد حتى لو شفتي حد اكبر عنج ما متغشي انتي اتغشي لان هذي راحتج والله يوفقج ويستر عليج وعلينا وعلى بنات المسلمين

يعني نفس عمري ^_^

الغاليه مثل ما انتي تحسدين غيرج يوم اتشوفينهن متنقبات ولابسات عبي راس وتقولين يا حظهن

صدقيني باجر بنات هلج بيحسدونج على هالشي وبيقولون يا حظها

الغاليه دام لج رغبه في هالشي لا تترددين ربي يوفقج وما عليج من رمسة حد خلي ثقتج بنفسج قويه

الناس ما عليها غير الانتقاد

موفقه ان شاء الله

اللهم أرد لأختنا الهداية وادخل الإيمان في قلبها وحبب لها الإيمان وزينه في قلبها اللهم أجعل حبها لك احب من الدنيا وما فيها .
أختي رمضان على الأبواب وبصراحة فرصة للتغيير وعزيزتي أجعلي رضى الله بين عينيكي ولا تلتفتي إلى كلام الشيطان هو الذي يقول لكي إن الناس سوف تتعجب من هذا التغيير وأنا أحس الناس تتعود على التغيير بسرعه بس الشيطان يكبر الموضوع وسبحان الله يمكن أتكونين أنت البدايه لهداية العائلة بأكملها إن شاء الله وتذكري عزيزتي احفظ الله يحفظك وأيضا من يتقي الله يجعل له مخرج والله ييسرلج جميع أمورج يارب

الله يهديج حبيبتي ويتمم عليج نعمته والانسان العاقل يفكر بالآخرة ويحاول يعمل لها في الدنيا لأن الموت يأتي فجأة ساعتها ما كيف بتواجهي ربج وهو سبحانه أمرنا بتغطية الوجه…ووضع شروط للباسنا أن لا يشف ولا يصف البدن ….