الوالد من سنتين قام ينسي لو حد يعرف حل

السلام عليكم
بنات الله يخليكم اللي تعرف حد يعالج عن مرض الزهايمر او النسيااااان
سواء كان طبيب او شيخ يقري او اعشاب
ابوي الله يحفظه صار واااايد ينسي حتي انه ينسي وين رايح وما يعرف من وين ياي
سافرو فيه الهند وقالو ماله علاج بالاوزون
الله يجزيهااااااا الخير ويوفقها دنيا وآخرة اللي بتدلنا علي حللللللللللل
فديته هو ما من كبره يعني بآخر الخمسين
بنات جزاكم الله خير اللي تعرف لا بخل علينا
واللي ما تعرف بعد لا تبخل عليه بالدعااااء له

الغالية هذا المرض ماله علاج بس أنا سمعت إنه ممكن يعالجونه بالخلايا اللي ياخذونها من دم الحبل السري ما أدري هل هي مضمونه أو بعدها تحت التجربة .. الله يشفيه إن شاء الله ..

اختي للأسف مافي علاج لين الحين للزهايمر… بس اللي اعرفه انه حاولوا تخلونه يقرا قرآن وايد لأنه يخلي المخ يشتغل و يركز اكثر… و السموحه

غناتي اللي انا اعرفه انه ماله علاج ابويه ربي يطول بعمره فيه نفس الشي بسسس اكبر عن ابوج .. كل يتكلم ع زمان اول ومايعرف ارضه من سماااااه .. ماخلينا مكان .. نعتونا ع مستشفى راشد.. سرنا وعطوه حبوب بس مانفعنه زاااده .. قااااام طول الوقت يزااااعج ..

الله يشافيه ويعافيه وسبحان الله بني ادم الله يبارك لكم فيه

جزاج الله خير اختي
وان شاء الله يارب يكون له علااااج ويرد احليله مثل ما كان يارب
بس اختي اذا كان العلاج بدم الحبل السري ممكن تفيديني كيف ممكن يتعالج هنيه في الدوله؟؟؟؟

تسلمين اختي
وفعلا احنا نخليه ينام علي صوت القران
بس هو حليله ما يقري عشان جيه حافظ من القران القليل