الوجبات المسموح بها لطفل عمره 5 شهوور

السلام عليكم
اشحالكم حبيباتي

الغاليات حبيت اسالكم عيالكم يوم كملوا الخمس شهووور شو تاكلونهم لانه بنتي دخلت الخامس فما ااعرف شو اعطيها اتمنى انكم اتفيدوني بليييييييييييييييييز (( يعني وجبه الريوق والغداء والعشاء ))

ماعرف بعده ولدي 4 شهور ومب ناويه اعطيه اكل الا بالسادس

للرفع أرجو من الأمهات الخبيرات الافادة

من الخامس عادي يبدا الياهل ياكل اي شي مهروس بس بشويش يعني انامن الشهر الرابع ماخلي شي ماعطيه يذوقه تقدرين تعطيها سيريلاك وبسكويت للاطفال وتقدرين تفورين لها بطاط وعقب تهرسي وتعطيها تاكله تقدرين اتأكليها سمج عالخفيف والا تعطينها عظم لحم والا دياي عادي بتقعد تمصه تقدرين تفورين خضار مشكلة وعقب تهرسي بعد وتعطينها ومن السادس انا اعطيهم ياكلون عيش وروب بس العيش يكون ناعم

ماقصرتي فواازي …… بس حبيت اسال عن العيش المصري اعطيها ولا لاء لانه وااايد اقولولي زين للاطفال …. فحبيت من الامهات الي عندهم خبره ايخبرنا عن الوجبات من ريوق وغداء وعشاء ))
وانتظر ردود باقي الامهات

انا بنتي الحين 4 ونصف بديت اعطية سيريلاك شوي ما احلية غليظ يوم اسوي اخلية شوي رفيع
واحطلها في الحليب بسكوت
واعطيها عصائر طازجة مخففة بالماء
لا افكر اغديها او اعيها لين تكمل 6 شهور

سيريلاك الريوق للعمره 5 شهور لين 6 شهور معاو البسكوت اووزبادي بعد ينباع في الجمعيات فواكه مثلاجه الموز والتفاح مخصصه للاطفال خفيفه للهم …… من تجربتي في بناتي التؤم……….. الله يحفظهم