السلام عليكم ورحمة الله وبركاته
طبعا عرفتوا من العنوان مشكلتي
الوحام ذابحني..ما أقدر أكل شي..كله أحس بلوعة
ما اقدر اكل مووول حتى الماي ارجعه 
شاسوي يا بنات خايفة أكل وخايفة ما أكل ويتأثر الجنين
تعبانة وايد تعبانة ساعدوني شاسوي
حتى ادوية اللوعة ما فادتني
ماعندي لج حل الغاليه .. أصبري هاي فتره و بتعدي ان شاء الله .. الله يعينج .. حاولي تاكلين الاشياء الي تحبينها .. ولا خليهم يسوولج اي شي يديد بس يكون لذيذ
هلا الغاليه …الصراحه الله يعينج …حاااسه فيج والله ..حبوب اللوعه نافيدكسون ..اخذي حبه قبل النوم وان شاء الله اتنشين اوكي ..والمغرب حبه …الدكتوره جي قالت …واذا واااايد تعبانه سيري المستشفى يحطون لج مغذي بفيدج واايد ,,انا كنت جي ..كل يومين مغذي ..مفعول المغذي يتم يومين وارد نفس قبل …بس ان شاء الله من تدخلين الاسبوع التاسع بخف عنج بالتدريج …الله يعنيج ويتمم لج ع خير ..فتره وبتعدي ..
اختي أم حمدان ما اروم أكل ولا شي ولاشي
كل شي طعمه في حلجي مو حلو… ما ادري شاسوي تعبانة
فديتج والله حاسه فيج لاني مريت بهالمرحله
ربي وياااج واستغفري رب العالمين وتصدقي بنية التخفيف عنج
يارب خفف عن اختي يا كريم
أختي ضحكتي دمعة لا تقولين…اتم على هالحال للتاسع لاااااااااااا…
تعبانة والله تعبانة..يقولون لي كلي ورجعي
كيف اقدر اكل..انا مب رايمة اكل…
أختي أم زيودي يعني مافي حل تعبت
حتى الحبوب مافادتني ياربي تعبانة تعبانة اه والله بصيح