الوحام هلكني

بنات انا حامل بالاسبوع السادس ( يعني شهر ونص ) والوحام بدى معي من اسبوع تقريبا .. وهذا اول حمل لي ..والله لا ليلي ليل ولا نهاري نهار هالوحام هلكني .. كله احس اني ما ابي آكل شي .. بس الاكل ضروري للجنين ومن غير ان بطني تحرقني اذا ما اكلت .. بس من احط شي في حلجي ع طول ارجعه .. ودايره الدنيا بي .. ومب متحمله اي ريحه زينه ولا شينه .. وكل شي ما ابيه حتى ثيابي واثاث بيتي كل شي.. تعبت نفسيا والله .. ساعدوني .. شو اسوي ..

السلام عليج إختيي….
الله يعينج ويعين الجميع ،،، آنا وحامي بدى قبل أسبوعين يعني مثلج تقريبا ،،، ونفس الحالة ساعات من أشم ريحة الأكل أحس برجع بس ساعات أتشهى الأكل وما أقدر آكله ولا أحس بطعمه…
أمس سرت عند الدكتورة وقلت لها كل شي وردها كان هذا الوحام وكله عادي ،،، حسيت إني تحطمت لأني مو طايقة عمري ومو عارفة شو الحل …

المهم ،،، الله يعين الكل لين الولادة ….

السلام عليكم
اختي هذا شي طبيعي ولين تكملين ثلاث شهور وتدخلين شهر الرابع
ان شاء الله بيخف ولين السادس بيختفي بس حاولي توزعين وجباتج
واكلي ليمون وذري عليه ملح

انا ما في دوا يساعد على تخفيف الوحام ما جربته… من كثر الوحام هلكني… تخيلي البنات يزيد وزنهن يوم يحملن .. و انا نقصت 11 كيلو..
لازم تتحملين الله بيعينج و بيقويج… ما عليه تحملي.. انا وقف عندي الوحام بداية الخامس… يعني تقرييبااستمر 3 شهور

بس صدقيني عرفت عدل ليييييش الجنة تحت اقدام الامهات

سيري المستشفى حبيبيتي يحطولج مغذي اكيد ضربج جفااااااف

الغاليه روحي اجرب عيادة او صيدلية اطلبي ( مالوكس) لونه ابيض هو للحرقان للحوامل بس واايد يريح اذا شربتيه ويطير اللوعه بصراحه واايد استخدمته في حملي …

ان شاء الله ينفع وياج وفيه منه حبوب مص وفيه سائل … جوفي شو اللي يناسبج

خذيت مغدي .. بس ما فادني