الوحام

بنات أنا حامل شهرين تقريبا من اول ماعرفت أني حامل وحامي متعبني كله ترجيع ودوخه وبصعوبة اتنفس المهم امس رحت الطوارئ فدكتوره قالت هالشي طبيعي وعطتني حبوب للترجيع اسمه نفودكسين امس بعد العشا خذت حبه منه الحين الحمدلله ماحس بأعراض الحمل اقدر أتحرك ومارجع هل هالشي طبيعي ولا لاني قبل ها لحمل كنت حامل ونبض البيبي توقف وانا مادري والحين أنا طول الوقت خايفه أخاف النبض يتوقف ماقدر أنام من كثر التفكير الدكتوره عطتني بيبي أسبرين عشان مايتوقف النبض ويوصل الدم للجنين بس أنا وايد خايفه

طالما انتي متابعه مع الطبيبه ما في داعي للقلق
التوتر مو زين عالجنين

الله يتمملج على خير ان شاء الله

الله يتمم لج ع خير إن شالله ..
ويقر عينج بشوف ضناج يارب ..
للاطمئنان راجعي الدكتوره بين فتره وفتره ..

قبل أسبوع راجعت عند دكتوره وقالت شي نبض وكنت بالأسبوع السادس وأمس يوم شافتني دكتوره ثانيه بالسونار قالت هالسونار اشوي جديم لانه كنت مب في العياده في الطوارئ والمهم كان يطلع بالسونار أني في اسبوع السابع وقالت ماقدر اسمع نبض بيبي في هذا السونار لان هذا يستخدمونه حق شهر التاسع والله طول اليوم يالسه افكر أنا وايد اوسوس مادري شو اسوي

اختي لو وقف النبض وانتي بس شهرين بينزل دم

وطالما ما في عوارض دورة يعني كله تمام و ما في داعي للقلق

الله يتمم لج على خير

ما يخصا ..

انا في حملي الاول .. اول شهر رقااااااااااد الشهر الثاني ترجيع و الثالث بعد ..
بس هالحمل الشهر الثاني كله ترجيع و صداع من دشيت الثالث اختفى حتى ترجيع الصبح راح .. بس عادي يعني

ان شالله خير

الله يتمم لج حملج ويقر عينج بشوفته

انتي بين فتره وفتره راجعي الدكتوره لاتحاتين دام انها عطتج اسبريين والوحآم شي طبيعي خذي الحبوب عشان تخفف عليج ومآفيكم الا العافيه ان شاء الله