السلام عليكن و رحمة الله و بركاته
شحالكن خواتي ؟؟ ان شاء الله بخير و عافيه ؟؟؟
إذا تتذكرو من كمن يوم حطيت موضوع إني حلمت حلم و خايفه منه .. انزين الحينه خلاص ماقدررر
أتحمل … فيه شي مب طبيعي صاير … ماعرف شو اللي مستويبي !
أنا الحمدلله امبونها أحلامي عاديه و بين فتره و فتره أجوف حلم يخوف و لا شي جيه .. يعني عادي بمعدل طبيعي … لكن ألحينه اجلب الوضع 180 درجه ..
مستويه أجوف كوابيس و أحلام أعوذ بالله من الشيطان الرجيم اطيح القلب .. و الله أنش و فوادي يرررقع
مب عارفه شو السالفه و لا هذا حلم إشاره لـ شو بالضبط و لا ليش … 
الوضع واااااااااااااايد يخووووووف … هالشي الحيه مكمل وياي فوق الـ 3 اسابيع تقريبا
و يمكن أكثر … بس بزياده هاليومين بزيااااااده … ماعرف شو اسوي
منو صارلها جيه و شو سوت ؟؟؟؟
و في حد يتابع برامج أشرف العسال .. للأسف ما أتابعه بس سمعت عنه .. منو اتابعه ؟؟؟
سمعته يطري شي عن اللي تتكرر عليهم الكوابيس و الأحلام الشينه …؟
و شكرا مقدما
للرفع
اتعوذي من الشيطان وشغلي سورة البقرة ورقدي فديت روحج
واشرف العسال واايد اوكيه والله تابعيه ع ابوظبي الاولى اعتقد ماادري نسيت والله
والله يبعد عنج كل مكروووووووووووووووووووووووووه ياربي
ربي يوفقج ويحفظج
استوالي ها الشي لمده طويله تقريبا سنه
بس بعدين قررت اني اقرا اذكار الصباح و المساء و اذكار قبل النوم وبعد الصلاه
واقراء قرآن كل ما حصلت وقت ولو صفحه او اسمع قرآن
و الحمد الله لين الحين ما يت الكوابيس
انصحجج تسوين نفسي بترتااحين نفسيا وجسديا فديتج
خاصة الكوابيس .. لو تتكررت …
أنا كثير من احلام تتكرر و منها كوابيس …فشو سويت ..شغلت نفسي اني استمتع بالكوابيس …خخخخ يعني كنه اشوف فلم رعب …. و الحمد الله .. و اذا كان الكابوس فضيييييييع …ما شيء غير ربج ..تعوذي من الشيطان الرجيم و تفلي 3 مرات اعتقد على يمينج ..الموهم …
لا تشيلي هم الاحلام ..انا مثلج كنت دوم احلم من هني و هب على التفسير …..خخخخ
بس مرات ادور علة تفسير حلم او جزء منه عسب يطمئن قلبي
و موفجة