الولاده في مستشفى دبي-الحمرية

أنا ما جربت القيصريه بس هالولاده بتكون قيصريه لسبب نزول عندي المشيمه ..مع إني كل ولاداااتي طبيعيه ..

بخصوص المستشفى أممم في بنتي البجر ربيت في مستشفى دبي …. بس في الولاده الثانيه بولدي "
صار لي نزيف حاااااد بعد الولاده بإسبوعين بسبب وجود بقايا من المشيمه ..

بشكل عام ما حبيت خدمتهم . وعلى طوووول حولت ملفي على مستشفى الوصل .. المستشفى مخصص للولاده ..
فولادااتي الباقيه الحمدلله عدت على خير …

للعلم يمكن تغير ألحين عن قبل ،،، بنتي الله يحفظها كملت الــ 12 سنـــه ^^ ( تراني موب عوووده ^^)..

عرفتي ،،، فيمكن تغير الوضع ..

إن شاء الله البنات يفيدنج أكثر ..

بس نصيحتي عليج بمستشفى الوصل .

الله يسهل عليج يااارب

إدعيلي الله ..

انا سويت عندهم القيصريه و اختي كل ولاداتها بعد قيصريه و عندهم …و الحمد الله كل شي تمام

و اتمين في المستشفى 4 الى 5 ايام و يظهرونج

و على الممرضات والله كانوا طيبين ويايه …و طول الليل يشلون عني الياهل و يخلوني ارقد مرتاحه …بس اخر يوم كانت الممرضه شويه نحسه قالت لي رقدي البيبي عندج …لكن اول ما قام البيبي دقيت لهم جرس و سوت عمري اصيح و اقول للممرضه مسويه عمليه و تعورني ما اقدر اشل البيبي …جان تقول لي انزين انزين لا تتحركين و شلت البيبي …((شفتي المكر ))

و عن البنج انا سويت النصفي …واااايد اريح …و ما يخوف …اشغلي نفسج بالدعاء و الاستغفار …و دكتورت البنج اتم يالسه عند راسج و ترمسج و تسولف وياج تخليج تنسين العمليه …و حلو انج تكونين بوعيج و تشوفين البيبي اول ما يطلع و تطمنين عليه …بعكس الكامل تتعبين وايد بعده صداع و لوعه و على حسب كل وحده و ردت فعل جسمها …و غير جذي تكونين اخر وحده تشوفين البيبي ..

و مع النصفي اذا خفتي عادي تطلبين منوم و ينومونج …

انا سويت عملية قيصرية في مستشفى دبي بس والله معاملتهم وااايد زينه بصراحة انا سويت البنج الكامل ما سوالي شي الحمدالله وتميت 5 أيام في المستشفى …..

الله يسهل عليج ان شاء الله ويقومج بالسلامه انتي والبيبي

انا سويت عملية قيصرية في مستشفى دبي والله معاملتهم ووايد زينه انا سويت البنج الكامل
وتميت 6 أيام عندهم والله تمنى كنت أربي عندهم بس ما اقدر عسب عيالي في المدرسه

الله يسهل عليج ويقومج بالسلامه انشاءالله….انا بعد اسمع انه واااااااايد المستشفى زين وخص للقيصريه وممرضاتهم واااااايد يساعدن ويهتمن