شحالكم خواتي ان شاء الله بخير ونعمة
بكتبلكم مشكلتي على اساس اني ناوية ابتدي حيااااة يديده ان شاء الله وباذن الله ..وبليز لا تحذفون المونضوع وما ابي تجريح اللي ما عندها رد بليز لا تكتب
انا حبيييت شخصص عشر شهور وهالشخص كان اول الايام احسن منهـ ما شي وعقب فتره خطبني ! المهم بعد فترة الريال قام يتغير عليــــه ، ما قام يرمسني شرات قبـــــل ـ، وقلت اللهفة من صووبه ولا يشتااااقلي شرات قبل ..حاولت اعرف السبب ولا عرفت ..وكل مرة أسأله ليش تغيرت علي يرد علي انه هو مشغووووول بس قبل حتى يوم هو مشغول لازم يرمسني…وانا بكل صراحه ما طلعت وياه قبل بس عسب تكونون في الصورة ..وهو عندي في البي بي "الله يغربله بيبي خرب حياتي ." كل مرة اشوفه يكتب كلام حب والشوق في الستاتس.. وانا مثل الغبية كنت اصدق انه هالكلام حقي انا وكنت استاانس بس فترة ورا فترة اكتشف انه هالكلام مب لي انا لانه هو يشتاق وما يكلمني ويوم يرمسني ما يكمل خمس دقايق ويقولي بطلع شوي وما يعطيني من وقته وانا كم من مرة عاتبته ليش مقصر في حقي انا شو سويتلك ..والله يا بنااات انا احببببببه مووووت عسب جي ادوس في كرامتي …وشوي شوي بديت احس انه في وحده ثانية في حياااااته لان اهتمااااامه قام يقل في حيااااتي ..المشكلة انا غبييية لانه ساعات يكلمني وانا اكون مستتاااانسة بس استغرب ساااعات ليش كلمني لانه هو مب من عواااايده يرمسني وايد..بس بنفس الوقت يكتب في ستاتس فراقك مووت ، حسيت انه هو يقصد بنت ثانية لانه توه مرمسني فليش جي يكتب …انا واجهته عن الستاتس اللي يحطيهم يقولي انه هو بس جي يحطهم وتضااارب وياي لا تركزين ع الستاتس ..والله نفسيتي تعبت لاني وايد واجهته بس ما شي فااااايدة لانه يطلعني اني انا الغلطااانة اني انا ما ابادر بالشوق واللهفة والحب..انا بقولكم انا انساانة حسسسسااااسة وايد وزعووولة ، وازعل من اشياء تاافهة ، اذا هو ما كلمني يومين انا ارد عليه نفس الحركة وما اكلمـــه ! اذا هو ما سأل عني انا بعد ما أسأل عنـــــــــــــهـ . وساعات ازعل على اشياء جدا صغيره انا صح غلطانة بهالشي بس شو اسووي احبه ..
بس انا نفسيتي وايد داااون لان مب حالة هاي انا احس ومتأكده انه يحب وحده ثانيه وانا في نفس الوقت معلقة وشكلي اسبير لا يعطيني وقته ولا يرمسني بكلام حلو والله زهقت من هالشي …والله والله انا خلاص طفرت ومليييت احس اني يالسه اجامله لما اكلمه لان خلاص مات الحب في قلبي مات الشوووق من كثر ما هو يسوويبي جي ..بليز انصحووني انا خلاص افكر اني افصخ الخطوبة ولا اني اعاااني بهالشي بس والله ساعات اقول انا كيف بعيش من دونه انا احببببببببببببببببببه ما اقدر..مرة حاولت اني ما ارمسه يومين تخبلت.. ,,, على فكرة اهلي عادي يخلوني اتكلم وقت الخطوبة فبليز ما ابي تجريح وانتي ليش تكلمينه وليش وليش …
انا لجآت لكم لاني خلاص ابغي انهي هالقصه بكبرها وابتعد عنـــــــــــــه وافصخ الخطوبة ـ كله ولا نفسيتي وصحتي .. بس قبل ما انهي ابغي اقهره لانه هو اللي خسرني بتصرفاااااته … انا كنت وفيـــة له بس هو ما قدر هالشي …يلعب على الحبلين … بليز كيف اخليييه يحس باللي انا حاستنه ..وكيف اقهره …
بس يعني ما دامكم هلا مخطوبين يعني علاقتكم بالحلال ما بصير تفكري زي قبل … يعني شغلة الستيتس مو شي بستاهل انك تفسخي خطوبتك خاصه انك مو متأكده انه في وحده بحياته …..يعني ممكن هو هيك بس بيكتب الستيتس زي ما حكالك يعني هالشغلات مو بالضروره بتعبر عن شي واقعي وصحيح
بعدين انت فكري فيها هو لو ما بحبك كان ما خطبك وربط نفسه فيكي بس هو بيظهر انه ناوي يستقر معك وهون بتكون شطارتك بإنك تجذبيه لعندك وتخليه ما يفكر الا فيكي
الله ييسر امورك ويتمملكم على خير يارب
ماعرف شو اقول لج بس الي بدايته غلط نهايته غلط ..
ربي يوفقج حبوبه ..
اذا يحب وحده ثانيه ماكان خطبج .. كلميه وقوليله ابي ارمسك فموضوع مهم متى تقدر تفضي عمرك
واقعدي قوليله كل اللي فخاطرج لا تقوليله في وحده ثانيه غيري وانت خاين وهالسوالف لا
قوليله انج مب مرتاحة للي قاعد يصير وتبين تعرفين هو شو صاير له بس
الله يسعدج
أذا كلامي خطأ يبقي أنت ما عندك مشكلة الخاطب معناة شاب دق الباب ومعة أهله وأهلك مباركين
وين المشكلة حبوبة لم تكتبي متى الملكة والزواج
الخطوبة يفترض لا تزيد عن شهرين لمجرد التعارف وترتيب أمور الملكه والعرس
أما أذا خطوبتكم مفتوحة وما لها نهاية أقولك أكيد يحدث مشاكل وغيرة وشغلات تافهة وملل وفتور
فأنت مش محتاجة تفسخي الخطوبة ومش محتاجة تخلية يندم والأفلام الهندي مال المراهقين
حبيبتي شيلي عنك مواقف المراهقين وكوني على قدر المسئولية وخففي من الحساسية والمتابعة وهتمي بالمسائل الجدية للزواج وتعمير بيت سعيد
ولا تتصوري الزواج كلام حلوا ووله ومغازل وشوق هذة أيضا فترة وأهم شيء التفاهم والأحترام والمودة والرحمة