خواتي حيض النفاس ياني سبوعين ونص اعتقد وتم يخف تدريجيا للون البني ومن كمن يوم تقريبا توقف تماما
ف ما اعرف اي مانع استخدمه لمدة شهرين او ثلاث شهور لاني افكر عقب اركب لولب ..
ومابا اركبه اللحين لاني اخاف من الآداه الي يبطلون فيها المهبل عشان يركبون اللولب اتريا اصح تماما من آثار الخياطه وعقب ان شا ءالله يصير خير..
وافكر اللحين آخذ حبوب وسمعت بعد عن برنامج للنساء المتزوجات اسمه فيمتا تنزلينه ويحددلج موعد متى يصير حمل ومتى مايصير.. الي جربته تخبرنا عنه ..
وشو تنصحن امنع طبيعي ولا آخذ حبوب
لان الطبيعي بعد قالو مب اكيد اميه بالاميه لان في وقت الايلاج عادي ينزلن سوائل وممكن يكون فيهن حيوانات منويه ويستوي حمل .. والله خايفه خااايفه بليز افكر آخذ حبوب واسوي منع طبيعي في نفس الوقت عشان اضمن اني ما احمل لين اركب لولب .. شورايكن..؟
فديتج انا انصحج بحبوب ياسمين لانه تقريبا كل هلي يستعملونهن ومرتاااااحين
بس ما انصحج بالمنع الطبيعي لانه بنت عمي جربت المنع الطبيعي وحملت ! يعني مب مظموون فديتج
المشاركة الأصلية كتبت بواسطة Banoota_AD 
فديتج انا انصحج بحبوب ياسمين لانه تقريبا كل هلي يستعملونهن ومرتاااااحين
بس ما انصحج بالمنع الطبيعي لانه بنت عمي جربت المنع الطبيعي وحملت ! يعني مب مظموون فديتج
مشكوره وايد اختيه والله يبارك فيج
اخت ريلي مستخدمه حبوب ياسمين وقالت وايد يسون صداااع
وانا ارضع ف مادري عادي آخذهن وانا ارضع..؟
المشاركة الأصلية كتبت بواسطة فطــــوم اخت ريلي مستخدمه حبوب ياسمين وقالت وايد يسون صداااع
وانا ارضع ف مادري عادي آخذهن وانا ارضع..؟
شووفي يمكن ما ناسبنها بس انتي جربيهن وشي حبوب اسمهن جنيرا كمن وحده في المنتدى يتعملونهن
وشي حبوب سيرازت هذيييل اذا بتاخذينهن لااااازم تظمنين انج ترظعين البيبي طبيعي ولاترا بيستوي حمل .. واذا بترظعين طبيعي واصطناعي فعادي تاخذين اي حبوب .. لانه حبوب سيرازت حق الي يرظعوون طبيعي
انتي اتصلي على اي عيادة نساء واسألي عسب تتأكدين مثل عيادة الشنار في جميرا الدكتوره زينب
احسبي من اول ماتيج الين 18 يوم واستخدمي الجهاز وهو بطلعلج البويضه نازله ولا لا