اليوم موعدي للطلق الصناعي في النور
وطبعا اذا اتحيدون كنت امخبرتكم عن سالفتي من قبل انه المفرق اعطاني موعد الولادة يوم 27/6 يعني عقب 13 يوم
وانتوا نصحتوني والاهل اني اتريا لموعد المفرق احسن
انا اخر مرة سويت سونار للجنين قبل اسبوع واخر مرة سويت تخطيط للضربات قلب الجنين قبل اربع ايام
سؤالي هل يحتاج اسير النور يسوا لي سنوار حق الجنين او تخطيط فقط من غير مايسوا لي طلق صناعي ولا اطوف الموعد واتريا يوم الخميس موعد المفرق
لان ريلي قالي الصبح اسير يسوي لي سونار وما اخليهم يسولي طلق
وانا خايفة يغصبوني اسوي طلق صناعي لان اذا ما ربيت بيسوا لي قيصرية
افيدوني
جزاكم الله خيرا
اذكر مرت اخوي اول حمل لها كان نفس الشي الطلق بارد عندها والحوض صغير فقالو لها لازم تترقد في المستشفى عشان موعد ولادتها بس لأن كان اليوم الثاني عيد قالت ما ابا انا ما حس بويع الربا فقالولها لازم توقعين تعهد عشان نسمح لج تطلعين لان ها وقت ولادتج لازم نعطيج طلق صناعي مدام فيج طلق بارد ,,, شكله كان طالع عندهم من النبض وباقي الاشيا انها وقت الولاده المهم وقعت وطلعت وثاني يوم عيد مادري ثالث ردت لهم جد ما كان فيها طلق وعطوها صناعي وما فاد وياها وسولها قيصرية .
انتي شيكي عند اي مستشفى ثانية احسن قبل ما يعطونج الطلق الصناعي شوفي هل ها وقت ولادتج وعلامات الولادة باينة عندهم ولا لأ اذا ما في اي اثر للولادة اتريي لين موعدج المهم انج بأستمرار تشيكين على البيبي
لا تسيرين للطلق اليوم ولا تعتمد على تاريخ 27/6
سيري حد عند ثاني وخلي يشور عليج .. والله يسهل امورج غناتي
حتى لو الجنين يتحرك لازم اشوف
الطلق عندي من زمان وخفيف حتى اتعودت عليه
الكرنيش اخاف اسير له لان في قصص وايد اسمعها غنه غير انه اختي ما اتريوا عليها سولها قيصري
وانتو تدروان في مستشفى المفرق كل مرة دكتورة وكلهم قالولي ان الموعد الاصح للولادة 27/6
وعلى هذا الاساس ما ابغي اسير اليوم فريلي قال بس سوي سونار للاحطياط بس لا تقبلي بالطلق
لأنه فرق 20 يوم بين الموعدين؟
سيري عند أي دكتورة ثانية مثل ماخبروج البنات وشوفيها شو تقول
خل تسويلج تخطيط وتشوف عندج آلام أو تقلصات بالرحم والا؟
الله يهون عليج ان شاء الله
ويوم 10/10/2017 سويت فحص دم وطلع النتيجة اني من ثلاث الى اربع اسابع حامل
ومستشفى المفرق اعطوني موعد الولادة 7/6/2017 بعدين غيروا 27/6/2017
والنور اعطوني موعد7/6/2017