روى أبو ذر , عن النبي صلى الله عليه وسلم أنه قال : { إخوانكم خولكم , جعلهم الله تحت أيديكم , فمن كان أخوه تحت يده , فليطعمه مما يأكل , وليلبسه مما يلبس , ولا تكلفوهم ما يغلبهم , فإن كلفتموهم فأعينوهم } متفق عليه
ظاهره غريبة انتشرت في مجتمعنا نحن بس لا غير، يونيفورم حق الخدم!! ليش يعني عشان الناس يعرفون انها خدامه؟ لا والغريب انه يكون اقرب للبيجامه شكله!يا ترى لو المعزبة طلبو منها تلبسه بتلبسه؟ (((وليلبسه مما يلبس))! بصرحه اغلب اللبس الي اشوفه لابسينه الخدامات في المراكز مب حلو واحس حتى شي بعض الخدامات الي يكونن مضايجات من ها اللبس وحاسات انهن اقل عن الناس، ليش يعني حرام كسرة ها النفس؟؟
انتن معاي خواتي انها ظاهره مزعجه ومب حضارية بالمره ما اظني على زمن الرسول صلى الله عليه وسلم كان شي لبس خاص للخدم ولا حتى في الدول الحضارية.
ليش عندنا بس؟؟؟ليش ها الاحساس بالنقص فينا وانا لازم انفرق للناس الي يشوفونا بين المعزبة والخادمة ليش يعني؟ليش الرياء والمظاهر؟ لها الدرجه الجنونية الي وصلت حتى لاحتقار الناس لانهم اطرو انهم يشتغلون عندنا!!
ما ادري خواتي اذا حد منكن دخل قصر ويلس مع شيخه او حتى شيخ؟ شفتو خدمهم سواء كانو عرب او اجانب؟ احسن لبس واحسن اكسسوار واحسن معامله !!!
غريبه بعض المظاهر فينا !!!!!
وبرع تنوره وقميص او جلابيه :1 (5): بس بيت الاهل لا تلبس الينفورم خصوصا اذا بنطول عسب تساعدهم اما اذا لا فاللبس العادى وبارك اللله فيج على موضوعج وبصراحه حن تربينا مع الوالده الله يحفظها كانت تلبس الخدامه جلابيه ووقايه الي يشوفها يحسبها راعيه البيت:1 (40): وحتى الشغل مو مكثره عليها الله يحفظها وكلامها المعتداد هيه ادميه حالها حالكم مب مكينه والوالد كان يحرج هيه الي تغرف الغدا او تشله يقول فيها اهانه عيب هههههههههههه يحليلهم لو يشوفو الخدم كيف ملعوزين الحين:1 (7):
المشاركة الأصلية كتبت بواسطة Cute_Barbie 
وفيج اختي واتمنى ان شاء الله اتزول ها الظاهرة المزعجة
المشاركة الأصلية كتبت بواسطة همسه طاعه وبرع تنوره وقميص او جلابيه :1 (5): بس بيت الاهل لا تلبس الينفورم خصوصا اذا بنطول عسب تساعدهم اما اذا لا فاللبس العادى وبارك اللله فيج على موضوعج وبصراحه حن تربينا مع الوالده الله يحفظها كانت تلبس الخدامه جلابيه ووقايه الي يشوفها يحسبها راعيه البيت:1 (40): وحتى الشغل مو مكثره عليها الله يحفظها وكلامها المعتداد هيه ادميه حالها حالكم مب مكينه والوالد كان يحرج هيه الي تغرف الغدا او تشله يقول فيها اهانه عيب هههههههههههه يحليلهم لو يشوفو الخدم كيف ملعوزين الحين:1 (7):
في البيت اختي بالعكس اظني ها الشي بيريحها هي اكثر مثل ما قلتي على الشغل وجنها لابسه بجامه واسعه بارك الله فيج اختي بس الي يقهر في البعض يظهرونهم جي في المراكز والشوارع
لأنه أشوف وايدين مقصرين في حق الخادمة، مهما كان هاي إنسانه..
أنا اعتبر الخادمة موظفة حالها حالنا كموظفات بس لا تحسسينها بهذا الشي ينتفخ راسها..
انا اخليها تلبس يونيفورم في البيت عشان اشوف مدى نظافتها لأنها تعتني ببنتي.. لكن يوم نطلع لازم تلبس اللي هي تحبه بس يكون محتشم..
أصلا شكلها ما يكون حلو يوم تكون لابسه يونيفورم وطالعة وياج…
والسموحة على الإطالة
اما يوم تطلع الجنيز والبودي