الي تأخر عندها الحمل تعالي بسرعه بقولج شو اكتشفت

هلا حريم المهم انا عندي بنت عمرها سنه و نص و كنت احاول احمل من فتره طويله بس الله ما كتب المهم ما خليت دكتور ما رحتله و كلهم قالولي عندج تكيس في المبايض واحد على اليمين و واحد على اليسار المهم الكيس الي على اليمين حجم 6سم و الثاني حجمه 3 سم الي صار ان الدكتوره الذكيه في عياده الدكتور فقيه ما قالتلي ان الكيس الي حجمه 6 سم لازم اتشيلينه بعمليه ضروري ، بس قالتلي انه شي عادي و اذا انا حابه اقدر اشيلهم بعمليه المهم انا طنشت الموضوع مع انه ظهري قام يعورني و الالم يروح و يرد اذا قعدت على الكرسي في الدوام فتره طويله ، المهم هالرمسه كانت شهر 3 بعدين على شهر 4 مديري في الدوام قاعد يضغط علي و يعطيني شغل وايد مع اني عطيته تقرير طبي و قلتله انه ما يصير اقعد فتره طويله في المكتب و حتى التقرير الطبي يذكر ان الكيس قاعد يضغط على العمود الفقري مالي المهم حضرته المدير السيلاني ما يهمه يباني اطفش و اطلع بس حره على قلبك ما بطلع خخخخ، المهم ضغط الشغل سببلي الم فظيع ما قدرت اقعد على الكرسي فرحت طيررران على المستشفى المهم سرت مستشفى المدينه في دبي لان التأمين مالي يغطي العمليه هناك بس لو ما عندج تأمين لا تروحين لانهم ياخذون الف درهم على الاستشاره و السونار المهم الدكتوره كشفت علي و قالتلي ان الكيس صار حجمه 8 سم و لازم عمليه و قالتلي ان احتمال يشلون المبيض الي على اليمين لانه راح فيها بسبة الكيس الي حجمه 8 سم ، انا فتحت عيني جذي و بغيت اصيح انا خاطري احمل مره ثانيه الحين لو شلوا المبيض اليمين كيف بحمل بمبيض واحد ،، المهم قلت خليني اتوكل على الله و اسوي العمليه المهم قلت للدكتوره لا تفتحين جرح من بطانه الرحم ما فيني يصيرلي التصاقات و هي قالت لا لاتخافين نحن بنوصل للكيس بس عن طريق جرح تحت البطن مباشره (يعني بحمل و بربي طبيعي و هذا اهم شي عندي ) لانها لو شقتني من بطانه الرحم خلاص يعني قيصريه و انا ما ابا هالشي ..المهم شركه التامين وافقت على العمليه بعد ما قاموا يماطلون ..المهم سويت
سويت العمليه من اسبوعين الحمدالله و في نفس اليوم طلبت من الممرضه اني ابي اشوف الدكتوره المهم شرفت الدكتوره و قالتلي مبروك العمليه نجحت و قالتلي انهم ما استأصلوا المبيض اليمين لان الكيس كان بعيد عنه وانا كلللللووووووليش خخخ الحمدالله ربي لك الحمد المبايض كله موجوده المهم تعرفون شو قالتلي بعد قالتلي انتي عندج التهابات شديده و عندج التصاقات في المبيايض و الرحم و هذا الشي الي اخر الحمل عندج و قامت تسالني شو سبب هالتهابات الي عندج و انا ما اعرف ليش ، يمكن بعد ما ولدت اول مره الدكتوره ما نظف المنطقه عدل و هالشي سبب الي التهابات و التصاقات ، المهم قالتلي انا شلت الالتصاقات و الاكياس و ان شاء الله تحملين …المهم انا سالتها اذا قتاه الفالوب عندي اوكي قالتلي شوفي اذا ما حملتي هالشهر او الي بعده تعالي سوي اشعه الصبغه علشان نتأكد ان الالتصاقات ما رجعن و سببت اي انسداد عندج في قناه الفالوب و ان شاء الله بروح عندها الشهر الياي علشان اسوي اشعه الصبغه و يا رب احمل …المهم الي ما حملت فتره طويله احسنلها اتسوي اشعه الصبغه علشان يمكن عندج ىالتصاقات و انتي ما تعرفين و الاشعه راح تفتح الانسداد و ان شاء الله تحملون و شكرا

الله يرزقج الحمل القريب يارب

بس اظن اختي هالتصااقات تباان في السونار مممممممممممم

عموما الله يرزقج بالذريه الصالحه عاجلا وليس اجلا يارب

هلا اختي ما يبين التصاقات في السونار لاني رحت عند اوراس و الامريكي و عياده فقيه في جميرا محد قالي عندج التصاقات كلهم يقولولي كل شي اوكي ما فيج شي ،،المهم الالتصاقات اتبين عن طريق اشعه الصبغه او الجراحه بالمنظار

تسلمين حبوبه والله يسهل علييج ويرزقج,,
وبالفعل الالتصااق ما يبين فالسوناار,,