انا من متابعات هالمنتدى وما كنت اقدر اسجل فيه قبل لان كان التسجيل موقف والحمدالله من يومين قدرت اسجل فيه والادارة وافقت على عضويتي، المهم انا اتابع هالقسم عن كثب واحس انكم بتساعدوني عشان اطلع من اللي انا فيه لان مشكلتي ما تختلف وايد عن مشاكل البنات اللي فالمنتدى، انا كنت بنت مدينه وما اسمع اغاني ومحافظه على صلاتي واقرا دوم قرآن بس مشكلتي بدت من خذت الموبايل وكان عمري 18،المهم اتصل واحد بالغلط وكنت اطنش وما ارد ، بس قعد يطرش مسجات لين طحت فالفخ والقصه طويلة وما ابي ادخل فتفاصيلها ، المهم هذا بدا معاي من الصفر وخلاني عقب اتعلق فيه ، بس عقب طلع على حقيقته وانه كان يتتسلى ، المهم من عقبها انا استويت اكره الرياييل وكنت غبية عشان انتقم منه كنت اتعرف على واحد واخليه يتعلق فيني وعقب اهده واستمريت على هالحال ،ما اهتميت بسمعة اهلي وصرت انسانه جحودة بعيده عن ربي ووكنت كل مرة ابغي ارجع مثل قبل بس الشيطان يردني خطوتين لورا ،اعرف بتلوموني وانا استاهل بس اللي ابغيه اني ارجع شرات قبل همي آخرتي بس ، بليز اللي عندها محاضرات اسلامية او اي شي يخليني ارد شرات قبل لا تبخل علي ،اعتبروني اختكم وادعوالي بالهداية يمكن تكون هدايتي على ايد وحدة منكم بعد الله سبحانه وتعالى
الانساان الي ايماانه قوي ماا تغلبه وسااوس الشيطاان سوااء كاانت من الانس أو الجن
تقربي من رب العاالمين بترتاااحين وبتتوفقين بحيااتج ^^
الله يستر علينلل وعليج ياارب
قال تعالي في كتابه العزيز(((قل ياعبادي الذين أسرفو على أنفسهم لاتقنطو من رحمة الله
إن الله يغفر الذنوب جميعا إنه هو الغفور الرحيم)
وقال أيضا : (وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ
وَمَنْ يَغْفِرُ الذُّنُوبَ إِلا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ)
فالله الله بالاستغفار .
وانتي عندج انترنت اكيد..افتحي هذا الرابط وفيه كثير محاضرات اسمعي ماطاب لك واسال الله ان يهديك ويشرح صدرك
استعيذي بالله من الشيطان الرجيم
و واظبي على الصلاة و قراءاة القراءان الكريم
حاولي تقري كل يوم جزء
عشان يغتسل قلبك و يصفى
و ما تتركي فرصه للشيطان يزين لك هذه العلاقات .
و عليج بقيام الليل ركعتين و ركعه و تر .
اذكر الله يذكرك
الا بذكر الله تطمئن القلوب
امج وابوج تعبو عليج وهذا يزاتهم انج ترمسي
ما قلنا شي الشيطان شاطر بس لو الانسان ايمانه قوي ما بيسوي كذا
لا تضيعي سمعتج وسمعت هلج
حافظي على سمعتج
وعلى رضى ربج
لانه هلج مالهم ذمب تسوي فيهم كذا واخر شي ينصدمو بنتهم ترمس
حبيبتي لا تزعلي من كلامي اعتبريني مثل ختج
وابالج الخير والستر
الله يحفظج ويستر عليج يا رب ويهديييج لصراط المستقيم