اليوم يبتلكن صالونة فاصوليا وتقدرين تسوينها باللحم او اي شي بس انا اليوم سويتها من غيررررر شي ملينا من اللحم والدياي 
وبعدين الي تحب الفاصوليا وماتحب تاكل مال القواطي الي تلوع الجبد استغفر الله
ماعلينا
نبدا بسم الله
نحتاج بهارات
– ملح +فلفل اسود+ زنجبيل + كمون+ فلفل احمر+ ملون او كركم
وبصل مفروم+ ثوم مفروم+ ربطة كزبرة وبقدونس مفرومين وطماط مفروم عدد 3او 4 طماطات
وفاصوليا نخليها فماي ليله كامله احسن لانه في انواع ماتنطبخ بسرعه فالافضل انها تم يوم كامل فالماي او حطوها فالليل عشان تسوونها غدا مثلا حتى لو تحطون كميه كبيرة فالماي حطو والباقي حطوه فالفريزر عشان اذا بغيتوها مرة ثانيه تكون جاهزة
نحط زيت زيتون والبصل والثوم لييين مايذبلون شوووووووي
ونضيف الطماط والبهارات
ونضيف الماي الكااافي
ونحط الكزبرة والبقدونس والفاصوليا
ونسكر الجدر ونخليها من ربع ساعه لين 20 دقيقه ونفتحه وبسسسس ههههه
وهذا صحني
وبالعاااااااااااااافيه عليكن والسموحه وتريوني باجر مع الهريس اذا مارقدت ههههههههههه
تسلم ايديج الحلوة .. انا وحده امووووووت ع الفاصوليا بس ما اجيدها صح
يزاج الله خير يوم حطيتي هالموضوع ..
واذا تعرفين صوالين غيرها ياليت اتحطين مواضيع
بكون شاكره لج ..
مشكووورة الغلا
يسلموووو الايادي