الي تدرس وعندها بيبي تقولي كيف تنظم وقتها ؟!!

بنات ..

محتاره كيف بخلي بنتي الصغيرونه عمرها 3 شهور واسير الكلــية

ابا ارضعها طبيعي , وبدخل الحليب الصناعي مره وحده << ما ابا اكثر عسب ترضع مني

بس محتاره كيف ارتب وقتي : بين دراسه وريل والبيبي وكيف بربيها

انا قلت بخلي بنتوتي عند ام ريلي لين ما ارد

بس اتنن شو سويتو … كيف نظمتو وقتكم ؟؟

الله يعينج وان شاء الله تلاقين حل

مرحبا الغالية
اتركيها عن امج او عمتج وروحي
وبخصوص الحليب
انتي بهالحاله مجبورة ادخلين لبنتج صناعي
لان اكيد بتصيح تبا حليب وانتي محد
عشان جي دخلي الصناعي بس لا تقطعين الطبيعي عنها
ومن تخلصين كلاساتج روحي على طول
والله يوفقج وتوكلي على الله

الله يعينج ومن رائي تخلين البيبي عندج امج او عمتج

وربي يوفقج

لا عادي و الله … لا تفوتي على عمرج الدراسه .. ها مستقبلج
انا اختيه كانت تدرس في الجامعه و بنتها توها مولووده .. كانت تشف لها الصبح و ترووح
و تشوفها الخدامه لين ما ترد جانت يايبتلها مربيه خاصه و الحمد الله خلصت الجامعه و حصلت الشهاده و الحين تشتغل و انتي مدام عمتج عدالج ما بتقصر .. و بتشوفها … انا اختيه كان محد عندها كانت ساكنه بعيد عنه …
لا تحاتين ……. و عادي لو عندج بريكات و بيتكم قريب من الكليه روحي البيت و ردي

البنآآت ما قصرن حطوج حلول منآسبهــ..
يزاآهن اللهـ خيير ..
والسموحهــــــ

انا احيد وحدة كانت بكلاس القلوبل ويانا حامل وام عيال ويوم ربت عطوها اسبوع اجازه وعقب داومت
والصراحه كنت احسها مرتبه وقتها ويا الدراسه وعيالها ومتفوقه ما شاء الله
كنت اشوف فيها مثال الام اللي شاده حيلها بدراستها و عيالها ما شاء الله عليها

طبعا انتي تقدرين تخلينها عند حد ثقه امج ولا عمتج يكون بيتها قريب من الكليه ولا اتخلينها عند البشاكير
لانه ما منهم امان ع اليهال اصلا
تقدرين ترمسين الكليه عشان هالشي وينظمون لج جدول مريح لج
في بنات عدنا بالجامعه يداومن الساعه الساعه 8 ويروحن ع 12 او 11 طبعا يكون الجدول بدون بريكات اصلا
وتقدرين قبل ما اتروحين الدوام تنومين بنتج وع ردتج اتكون ناشه

بس بالاول والاخير الجامعات والكليات يراعون المتزوجات امهات العيال بالجداول والدراسه وحتى الامتحانات