الي تعاني من خمول الغده وسوت رجيم وضعفت تدخل

السلام عليكم
طبعا الكل يعرف انا خمول الغده الدرقيه يزيد الوزن وطبعا الوزن ينزل بصعوبه سويتي رجيم ولاختي كل ادوية الرجيم ولا ولا؟؟ ماينزل الا كيلو او اثنين بالكثير هذا اذا كنتي مجتهد
فبغيت اعرف منو عندها خمول الغده وقدرت تضعف بسهوله ؟!؟!

حبيت أطرح هذا الموضوع لتبادل الخبرات والفائده

ويتجمعوا البنات اللي عندهم خمول في الغده الدرقيه

وتقولنا كل وحده ..متى بدأ المرض معها..؟؟

وكيف الوزن والاعراض الثانيه من كسل في الجسم وزيادة الشعر في الجسم..؟؟

وهل عندها اطفال او لا..؟؟

أتمنى من كل الحلوات ..اللي مثلي طبعا :2thmup:

يتفاعلوا في الموضوع لأني ودي أستفيد منكم ونتبادل المعلومات سوا..

أنـتــظــركــــم..

هلا اختي dubai85 …أنا اكتشفت انه عندي خمول الغدة من 4 شهور بس الحمدلله ما متنت ….وزني ثابت لكن شعري يطيح وايد وبشرتي استوت جافة….

تاخذين الدواء الثروكسين ولا !؟؟! واتابعين عند دكتور معين ؟!؟؟

أعــراض و عــلامــات قــصــور الــدرقــيــة Clinical features :
[LIST][*]الشعور بالتعب و الإرهاق.[*]زيادة الوزن.[*]عدم تحمل الطقس البارد.[*]إنتفاخ الوجه و تغير ملامحه.[*]ضعف الذاكرة و كثرة النسيان.[*]الكآبة.[*]الفتور الجنسي.[*]الدُراق (تضخم الغدة الدرقية).[*]إنتفاخ العيون.[*]تجفاف و تقصف الشعر.[*]تجفاف و خشونة و تجعد الجلد.[*]آلام بالمفاصل و العضلات.[*]ضعف العضلات و تيبسها.[*]الإمساك.[*]غزارة Menorrhagia أو قلة Oligomenorrhoea الدورة الشهرية في النساء.[*]الإصابة بالذهان Psychosis.[*]نقص في حدة السمع أو الصُم.[*]الإصابة بالغيبوبة Coma.[*]بطء الحركة و الكلام و خشونة الصوت.[*]برودة الأطراف و تورمها.[*]الإصابة بمُتلازمة النفق الرسغي Carpal Tunnel Syndrome[/LIST]وهذا يطلع بالتدريج فلازم تابعين ويا دكتور وتاخذين الدواء بنتظام وافضل ووقت للدواء على حسب علمي عقب صلاة الفجر
وحاولي قد ماتقدرين تحافظين عوزنج لانه اذا متنتي صعب جدا تخسرين الوزن بسهوله

الصراحة اختي انا عندي خمول في الغدة عطتني الدكتورة الدواء قالتلي خذي حبة كاملة ولما خذيتها تعبت وايد جسمي قام ايعورني الام في العضلات ,وزني بدى ايزيد وقفت الدواء الصراحة خفت…………..؟

مرحبا اختي dubai85

اشكرج من القلب لطرحج هالموضوع اللذي يؤرقنا .. انا اكتشفت خمول الغده عندي من 4 سنوات

ظهر لي انتفاخ بسيط فالرقبه .. و مع تحاليل الحمل بابني الاول .. بين فالفحص خمول فالغده عندي

عقب الولاده اختفى الانتفاخ , فاتطمنت ,, و فالحمل الثاني ظهر الانتفاخ

و عقب الولاده الثانيه .. قمت اراجع فمستشفى توام

و قالو انهم بيسوولي عمليه جراحيه لاستئصال الغده .. خلال الاشهر القادمه .. الله يسهل

اتمنى من اي وحده سوت العمليه اتفيدنا ..

و عن الوزن

لاحظت انه في اخر 6 شهور زاد وزني تقريبا7 او 8 كيلو فجاه , و شهيتي فالاكل زادت ’ يعني احس بالجوع وايد
يا ترى من الغده او لا ؟؟

و الاعراض الاخرى : الحمدلله ما اعاني من اي شي ..

بس يقولون اعراضها تختلف من ناس وناس ..

و اتمنى من اللي تعاني من الغده اتدش و تنصحنا ..

و ان شاء الله بحاول ابحث عن ريجيمات خاصة باللي يعانون من الغده لاستفيد منها و افيدكم ..

لي عوده

نسيت اقول انا عندي بنتين وبدت عندي الاعراض بعد ولدتي الثانية بنتي الحين سنة واربع شهور وزني بدى ايزيد اوماينزل بسرعة ,اول شي بدت عندي الاعراض :

1-حرارة في القدم

2-الام في المفاصل

3-خمول احس اني ابا ارقد اعيوني اتصكر ابروحها

4-رجفة في الايد

5- الذكرة تعبانة انس بسرعة

6-واهم شي زيادة الوزن

7-جفاف في البشرة وتسلقط الشعر

الله ايعافينا ان شاء الله منو ايعرف مكان زين اتعالج عندة؟

" الي اعرف والي قالي الدكتور اياه انه لو شو استوى ما اودر الدواء حتى لو ماحصلت موعد وياه لانه مواعيده فل احصل الموعد عقب 3 او4 شهور تخيلي !! لانه اذا ودرته بيطور المرض الخ فالعلاج افضل "

الي اتابع وياه دكتور اياد في ويلكير في دبي مادري انتي في اماره ولازم يوم تابعين عند دكتور لازم يكون دكتور شاطر!! واسئلي عن الدكتور قبل لاتابعين وياه _ انا اكثر شي الوزن الزايد والجفاف في كامل جسمي + تساقط الشعر