الي داوموا بعد اجازة الوضع ياليت تخبرونا

هلا خواتي،
انا ان شالله بداوم عقب اسبوعين وبيكون عمر ولدي شهرين ف إلي داومت قبلي ياليت تفيدنا،
كيف رتبتوا موضوع الرضاعة؟
وكيف رقاد اليهال عقب الشهرين مايتحسن؟
ياليت كل الي داوم يدخل ويشارك وجزاكم الله الف خير

انا مددت إجازة الوضع خذت عليها سنوية …

و بجذيه استوت 3 شهور مب شهرين …

اول ما طلعت من الاربعين حاولت ارتب رقاد بنتي … عشان ما اتعب وياها …

شوي … شوي اتأقلمت ع الوضع …

والحين الحمد الله كملت سنة و 3 شهور و رقادها منتظم …..

نسيت اخبرج …

قد ما تقدرين حاولي ما تخلين ولدج يرقد عقب صلاة المغرب … لانه إذا رقد نص ساعة او ساعة بيسهرج اخر الليل ….

يا ليت أقدر أفيدج

أنا ان شاء الله باخذ شهر بدون مرتب عقب إجازة شهرين الأمومة

ان شاء الله الأخوات ما بيقصرن

كيف رقاد بنتج الحين؟

انا نفس الشي مددت وقدمت عالسنوية وبجذي بتكون كملت ثلاث شهور ان شاالله يوم بداوم

مشكورين خواتي ع الرد بس كيف اقدر انظم رقاده والله وايد حاولت المشكله الي اواجها اني حتى يوم احاول ارقده مايكمل نص ساعه الا وينش حتى ساعات والله ماقدر انش اصلي عنه من كثر مايصيح، ابطل قماطه اقول مافيه رقاد بس يرد ويصيح

الله يعينج .. بس صعبه ترتبين ارقادهم الا بعد 4 شهور