قررت هالاسبوع افطمها فجاءة وافتك < الدكتوره قالت لي ماشي حل غير فجاءة مب بالتدريج
بنتي عمرها سنه و3 شهور , واايد متعلقه بحليبي ماتشرب اي شي غيره
وانا حامــــل بالشهر ال3
امس الاحد كان اول يوم << ي
من اول ما نشت وانا ااكلها والعبها ,, يااللـــــــــــه بالليل بنتي تحولت لوحش صياااح من خاطرها وتتنهد كل ماغفت ترد تصيح ليـن استسلمت ورضعهتا ورقدت 
بنات اليوم بديت اليوم الثـــــــــــــاني :
ماكلمت رقدها تبا حليب وجان اوعيها ,
بليــــــــز كيف تدبرتو وقت الليل ,, كيف ارقدها وهي ماتبا تشرب اي شي حزتها
شريت كل شي : حليب مراعي , وشوكلت وفراولة وموز, بروميل وقلد , وبيبي جونيور ,’ ونيدو بلس
شسوي بعد ماتحب شي
ماريــد استسلم بليز شجعوني
مرحلة الفطام هي اصعب مرحلة للام والطفل …
الله يعينج ويكون معك …
ما أعتقد ان اسلوب الفجأة ينفع … احسه قاسي
المفروض تخففين الرضعات
بس اذا اساسا كانت رضعه وحده بس بالليل فهذا مو مشكلة
لأن أهم شي انج توصلين للرضعه الوحده باليوم
وبعدها يكون فجأة لأنها آخر المطاف
عاد انتي قبلها خليها تاكل شي يشبعها عدل بالليل
مثل العيش و الروب
و تحمليها اسبوع و بس الله يكون بعونج
" حلم صيفي " صدقتي هاي حسيتها اصعب مرحله الام يتقطع قلبها يوم تشوف ضناها يصيح
"راقية باخلاقي" انا حاولت اكثر من مره التدريج مافي فايده النهار ماتصبر تبا وتصيح واشغلها بس ماترضى
وارد ارضعها عالاقل المغرب بس خلاص استوت تعرف اذا صحت وايد بشرب حليب
خليني اكون قاسيه حتى لو بتتعب < اهم شي برتاح بالاخير
ودي سوبر ناني تكون وياي وتعلمني خخ
ماشي حل غير الاكل قبل النوم
" ماعليه بصبر ,,, والي يبي الحلو يصبر على مره "
واي وحده عندها طرق وتشجيع لااااااااا تبخلون علي
اللهايه
بتنسى شوي
نفسيا تعبانة،، وبعدني ما بديت،، عيل انتِ الله يعينج و يصبرج،،
الأوليين كانوا يحطون مر ولا صبغة على الصدر ويقولون حق البيبي يع اخ ها عشان ما يشرب،،
ومرات يحطون مر عشان من يطعمونه يغيرون رايهم و ما يشربون،، صدق أختي هالمرحلة واااايد صعبة،،
وأتمنى تخبرينا بالنتيجة ،،
تبي ترضع بس اقولها فيه واواه هههه بس بعد تعاند
وتم اصيح وتقرصني بس انا اطنشها وعقب تستسلم وترقد.