ماعرف شوة اقولكم .. ولا شو اكتب
و ماعرف اذا الموظع صح مكانه
انا عمري 19 ابا افظفظ ابا ارمس ابا اتكلم .. ابا حد يتحمل كلامي و يساعدني و يوقف وياي .. في اشياء تستوي انا والله العظيم ماعرف شو اساسها او ليش تستوي او شو الفايده من انه فلان يسوي جي و علان يقول جي و في اشياء ان دريتوبها بتفجون حلجكم بتقولون شو ها مستحيل جي يسوي
ان ما كانت عن اخويه بتكون عن اخويه الثاني اذاهب الثاني بيكون الثالث رامس عني عند امايه و اذا مب الثالث بتلقون امايه معصبه ع واحد منهم مادري ليش و اتم تدعي و تسب و تلعب و عقب دقايق اتصيح تقول ولدي ولدي
المشاكل اللي ف البيت ان هدت .. عقب فتره اترد و اتكون اشد عن اللي قبلها
و انا ما احب امايه تتظارب مع حد من اخواني .. و يستوي زعل و تفكير و ظيج و عقب اتم احاول ارد العلاقات نفس قبل عكس اختي الكبيره الي دوم تقول حق امايه اتركي الاولاد هاييل سبلان و ما منهم فايده و خياس و مافيهم خير و كلام وايد قوي و لدرجه انمرات اختي جدام امايه اتم تدعي على اخواني بالموت بحادث سياره او اذا ظهر تقول يعله يظهر و يموت و مايرد و من هالرمسات مرات امايه توافقها و مرات ما يعيبها
بنات انا وايد تعبانه من هالمشاكل اللي تستوي فالبيت .. خلاص طفح الكيل .. 3 امتحانات رسبت فيهم الامكاونت و الفايننس و الماث بسبت المشاكل اللي فالبيت و انا هب قادره ادرس بسبتها
بنات خبروني شو اسوي .. قولولي شو اسوي .. اذبح عمري ولا شو عشان تنتهي هالمشاكل !!!!
طفح كيلي … احس الدنيا صغيره اظوق عن فتحته الابره
انهد حيلي
ادعولي
ادعولي
ادعولي
ادعولي
ادعولي
دخيلكم ادعولي … انا مابا افقد اخواني .. ولا ابا افقد امايه .. انا بين نارين … بين امايه واخواني .. شو اسوي ياااااااااااااااااااااااارب شو اسوي !!!!!!!!
ادعولي
هالمشاكل فكل بيت
المشاركة الأصلية كتبت بواسطة (خيماويه) 
هالمشاكل فكل بيت
هيه والله صدقتي اختي