خواتي من شهرين وربيعتي قالت لي ان اخوها راح مركز السكر امبريال كوليدج لندن للسكري
ولانه عنده زياده في الوزن عطوه ابر نفس ابر الي ياخذونها مرضى السكري بس هذي تمنع الشهيه
وخلال 6 اشهر تقريبا نزل 20 كيلو بس يبالها متابعه و رجيم معاه بروحه ما بينفع
خذت موعد قالت لي الدكتوره ماينفعش اديلك انتي صح عندك زياده في الوزن بس انتي مش معرضه للسكري ولا مريضه سكري هههههههههههه الله يهديها وانا اقولها انا ما ييت الا عشان الابر الي تسد الشهيه وهيه (ابدا ما ينفعش)
شوي وبصيح
المهم وحده جزاها الله الف خير عطتني الابره تكفي لمده اسبوعين
اخذ الابره كل 12 ساعه و الله ما شي الم ابدا ابدا
الحين كملت 4 ايام ما صرت اكل وايد واذا حسيت اني اكل اذكر اني مب يوعانه وايد واوقف عن الاكل
خواتي حد فيكم جربهم نبا تجاربكم وانا بكتب في الموضوع لين اخلص الاسبوعين انشالله
صح سويت سيرج في جوجل ما طلع شي بس طلع نفس اسم الدوام يتاخذ مره في الاسبوع يعني مب نفسه الي اخذه
مع العلم مركز السكري يعطونه للناس الي فيهم السكري والمعرضين للسكري
يارب ارحمنا
يمكن ترضى تعطيني اياهم لان الي عطتني ما بتم تعطيني على طووووووووووووووووووووول
مب زييين
اختي كوالتي انشالله يكون اوكي
تعرفين والله جربت ليبو 6 و امانه كير حبوب سليمنج
كلهم والله لوعه جبد اداوم واحس عمري بموت اييني هبوط ودقات قلبي بسرعه وارتجف
وعلى شو ما اكمل اعج العلبه في اقرب زباله
والله الشاهد على كلامي
اما الابره الحمدلله ما شي اثار جانبيه
لين الحين طبعا