خواتي ساعدوني كيف اسوق عشان انجح في السواقه الخارجي في الشارع .. عندي امتحان الخميس وكل اسبوع ارسب وانا صدق محتايه الليسن مليت من التكاسي
خبروني كيف اسوق والله اتدربت عدل 20 ساعه وكل مره ارسب .. مع اني ما اتوتر من الشرطي وكنت اسوق قبل بدون ليسن بس مادري اشحقه
وعطوني من النصايح او المعلومات اللي كنتن تحصلن عليها من المدربه يعني عند اليوتيرن او الدوار او الباركن يعني اي فكره بسيطه وللعلم انا من راس الخيمه والخميس بعد عندي موعد و والله صابتني حاله نفسيه من هالرسوب المتكرر كل اسبوع والله بتخبل
اللي ماتعرف دعوه بالنجاح منها تكفيني 
و ارفعوا الموضوع
والله يسر امورج وتبشرينا بنجاحج يوم الخميس ان شاء الله
ابا ارقام مدربات زينات انزين
انا غيرت اول شي تدربت عند مريم فاللولوه و رسبت وعفب الهدف ورسبت وعقب الروضه ورسبت و باسمه ورسبت
انا اتدربت في دبا وسبحان الله من اول تراي نجحت
بس انا ماكنت مرتبكة ابدا وحتى سواقتي كانت فيها شوية سرعة اهم شي تحسسي الشرطي انك واثقة من نفسك وان شالله بتنجحي
تسلمين اختي
يعني مثلا كيف احافظ على مساري سيده
كيف ما اطلع عالشارع الثاني فالدوار
كيف اعرف متى الف السكان كامل ومتى ما الفه كامل
والمناظر والباركن !!
يمكن انتوا عندكم معلومه اسهل و ابسط من كلام المدربه او شي معين تمشون عليه ,, الله يرضا عليكم
منو دربج بالهدف؟
انا الحين ادرب بالهدف
احسن اثنين يدربون اهم فاطمه ونسرين الفلبينيه
نسرين وايد احسها اوكي تفهمج بالضبط شو تسوين
بالنسبه لليوتيرن اول شي لازم ادوسين بريك لين تحسين ان جتفج موازي للرصيف وعقب تلفين السكان كامل لليسار
لما تتأكين ماشي سيايير ادوسين شوي بترول ولما اتحسين انج وصلتي الحاره الثانيه اللي هيه اليمين دوسي زياده بترول بس مب وايد يعني من البدايه ادوسين بترول واتزيدين بتدريج وتخلين السكان يلف بروحه بس انتي اتمين ماسكتنه بالاصح تخلينه يتزحلق ع ايدج وبس
اما الدوار اذا تبين تاخذين يسار او تلفين الدوار كامل خليج يسار ودوسي بريك لما تتأكدين ماشي سيايير دوسي بترول من البدايه بعدين بعدي ريولج عن البترول ولفي السياره مع الخط الاصفر ورجعي دوسي بترول غيري الغمازه لليمين ولما تبين تطلعين زيدي السرعه وبعدين غيري اتجاهج يعني خذي يمين
بالنسبه للباركينج على حسب بتطلعين يمين ولا يسار
شوفي وين الاقرب
طبعا لا تنسين اشارة الخطر وتحطين الغير ع الريوس
نفرض انج بتطلعين يمين واهوا الحاره لبعيده اول شي تطلعين بالسياره لين كتفج تكون موازيه للبدايه الشارع بعدين لفي كامل يسار من غير ما ادوسين بريك او بترول
بعد ما تحسين السياره بالضبط ع مسارها حطي درايف وشلي اشارة الخطر ودوسي بترول
اتمنى فهمتي شي من شرحي
وموفقه ان شاء الله
وادعيلي لأني بعدي ادرب وان شاء الله الاسبوع الياي بقدم تراي