ابى اسألكم شو اتأكاون عيالكم اللي اعمارهم سنه ف وقت الفطور والغدى والعشى
انا اسوي حق بنتي حق الريوق سندويج جبن او بيض
و الغدى عيش مع دجاج وخضرة
والعشى معكرونة مع دجاج وخضرة
فأحس ملت من هالاكل يوميا وما اعرف شو اسويلها؟؟
بليز ساعدوني
لازم تنوعيلها
انا ولد ي عمره سنه
اول ما ينش اعطيه مرضاعه حليب لاني فليل ما اعطيه
عقب اعطيه الفطور … يوم شوربه اسويها بالحليب والسكر وايد تعيب الاطفال ويوم اسويله سندوج جام فراوله ويوم اسويله بيضه مفوره بس روحها
عقب ساعه ونص اعطيه بدياشور بالكاكاو مرضاعه طبعا
والغدا اسويله عيش مهروس بروحه واحطله الصالونه من غدانا او الدياي او السمج حسب اللي طابخينه
ولين وقت العصر يشرب بس الحليب
العصر اعطيه يوم عصير مانجا واقطعله تفاحه ويوم اسويه شوربه دياي بيضه ويوم اسويله لقيمات او اعطيه روب بالفواكه حسب كل يوم فاكه
عقب المغرب افور حليب واكسر فيه بسكوت نبيل واحطه فالمرضاعه اللي فيها قفشه وكل شوي اعطيه قفشه
بها الطريقه بيكون شبعان لين فليل بس لان ولدي يسهر لين 12
فالعساعه عشر اعطيه بديا شور
واتم عالحليب لين يرقد
اتمنى اني افدتج
هذا اول ياهل يمكن شي غلط فطريقتي فاللي تعرف تخبرنا
وعلى فكره ولدي عنييييييييييييد بالزور ياكل عسب جي اتم اسويله مثل الوجبات يلقط كل مره شوي
ومره أومليت..ومره بيض وطماطم…ومسلوق..الخ
ليش ما تأكلينها لبنه…لبنه مع زيتون أو نعناع حلووووو
وممكن ساندويتش زيت وزعتر….الزعتر مفيد
حتى صمون جبن نوعي فيه..مره جبن وعسل ومره مع طماطم
خس…خيار…كل يوم شي
وبعد ممكن اتسويلها دنكو "حمص / نخي" أو باجلا "فول"
عوديها على كل الأكل عشان ما اتعبج بعدين
ممكن بلاليط…. ليش ما اتأكلينها سلطة فواكه
كورن فليكس مع حليب
وهاي الأشياء تنفع حق ريوق أو عشا
ليش ما اتسوين لها بيتزا…ولا تحسينها صغيرة ما تعرف تاكلها
المشكلة عاد في الغدا…أكليها من غداكم أحسن
تتعود على الأكل وعلى انها تاكل على السفرة معاكم
وتاكل كل شي تاكلونه…مب اتقول لج هذا مب حلو وهذا ما باه
العصاير بانواعها
مهروس التفاح
الروب
خضروات مشكلة مهروسة
رز مهروس مع قطع دجاج صغيرة مفتتة
شوربة خضار مهروسة
موز مهروس
عطيه من اكلج العادي
وعندج الفطور ( كورن فليكس تهرسينه تخلينه مثل السيريلاك , شوربه شوفان مع ماجي ويا بيض , بطاطا مطبوخه ومهروسههه مثل الشوربه وايد يحبونه اليهال)
وبعدين تعطينه مرضعه حليب بيرقد شوي
الغدا عطيه من غداكم تهرسين بإيدج الدياي والبطاط مع العيش وروب او تسوين له اكل بروحه اللي هو عيش وبطاطا وجزر ودياح وتهرسينه في الخلاط او بالخاشوقه او بداله لحم او سمك )
بعد الغدا بساعه مرضعه حليب
العصر
مهلبيه اللي هي نشا مع حليب مع سكر وهيل
او كستر او بسكوت نبيل مع حليب وتخلينه مثل السيريلاك
عندج سيريلاك
محلبيه اللي هي عيش وحليب وسكر وهيل
فواكه مهرووسه مثل موز , تفاح
المغرب
شوربه شوفان مع شوربه ماجي شعيريه
او شوربه ماجي مع شوفان نوعيله بالشوربات
عندج شاي مع صمون تخلينه مثل السيريلاك
ومرضعه قبل لا يرقد والسلام
ان شاء الله اكون افدتج بس احس الياهل لو نش من الصبح بيكون له فرصه اكبر انه ياكل بطريقه منظمه وصحيه
ونحن هالايام ما شا ءالله يوم جي ويوم جي
احس التنظيم اهم شي >> فهمي عمرج قبل
وانتي حاولي تختارين كل يوم شي لانه صدق الياهل يمل من تكرار الشي كل يوم وانا عطيتج خيارات وايد
والشوربه يوميا احسها مفيده للياهل وبالتوفيق ان شاء الله
بنت اخوي ما شا الله عليها
متينة من الاكل اللي تاكله عادي ما فيها شي
بتوفيق