كتبت عن دنيتي والـوقـت والغالي … وكيف يا زمن منك كـم بيكيت
انا الـدنـيـا سـقـتـنـي اول وتالي … جـروح يا كم انا مـنـهـا شكيت
رحـل عـنـي الـفـرح وتميت لحالي … بـيـن الـهـم لي بـه قـد ربيت
قصيدة هـم بـكـتـبـهـا عن احوالي … ولـو الـفـرح ينباع كنت شريت
وحـزنـي لي يـهـد حـتـى الجبالي … تـمـركز في فـؤادي ما حييت
ويـوم الـخـل نـام الـلـيـل سالي … انا عـن غـدرهــم لا ما سليت
يـبـكـيـنــي حــظــي يــوم مالي … وانا والله مـا اذكــر جنيت
وسلامتكم تاريخ 23 // 10 // 2024
أبدعتي كلمات كتبت بماء الحزن والألم
ولكن علام الحزن
وإنتِ مؤمنة
تعلمين ان كل هم و حزن هو خير لكِ
غاليتي
أعيدي لقلمكِ سعادته
انتظر المزيد من إبداعكِ الذي لاأمله
دمتِ بألف ود
الله يبعد عنك كل حزن وهم وضيق…
المشاركة الأصلية كتبت بواسطة درة الإمارات 
أبدعتي كلمات كتبت بماء الحزن والألم
ولكن علام الحزن
وإنتِ مؤمنة
تعلمين ان كل هم و حزن هو خير لكِ
غاليتي
أعيدي لقلمكِ سعادته
انتظر المزيد من إبداعكِ الذي لاأمله
دمتِ بألف ود
الغاليه درة الامارات والصراحه انج درة الخليج مب بس الامارات الف شكر لج والحزن يا دره لو نبعد ونحاول نخلي فرح لكنه يتبعنا وين ما نروح شرات الموت ما نقدر نشرد عنه
وان شاء الله في يوم بكتب عن الفرح هذا اللي اقوله في كل المنتديات الكل يطالب بقصيدة فرح ولين اليوم مب قادره اكتبها
دمتي ودام تواصلج
المشاركة الأصلية كتبت بواسطة فجر_دبي فجر دبي الله يسلمج الغاليه اسعدني مرورج الكريم