خواتي انا اخترت ان اربي انسان ولد بعمر 12 سنة لكن الموضوع جداً صعب و أحتاج مساعدتكم
الخطوط العريضة لحياة الولد بحطها على العام
أما التفاصيل فما بعطيها إلا للي جادة في مساعدتي و على الخاص
و رجاءا خواتي اللي تراسلني بسبب الفضول و انها تعرف القصة أترجاها من البداية تظل بعيد
نقطة أخيرة مهمة انا ما ابي حد يغلط او يعلق او يلوم في أهله لان هدفي بالموضوع أسمى و أرقى، تركيزي على الولد و تربيته و إنقاذه من مستقبل مظلم و اني ارسم له خطوط عريضة رئيسة يمشي عليها بحياته
اعرفهم من زمان لكن دخلت حياته لما تزوجت عمه
ولد عمره 12 سنة، بفرض ان اسمه "عبد الله" للخصوصية، ثمرة زواج فاشل انتهى بالطلاق
الام تزوجت و صار لها عائلة مستقرة و طوت صفحته من حياتها
الاب تزوج و اللي ما يعرف انه ولده بيتحراه عمه او قريبه يعني بعيد عنه
يعيش عند جدته و أكيد ما لها قدرة على التربية بحكم سنها و انها أدت واجبها بعيالها و عنده بالبيت عمه و تعرفون الشباب آخر همهم التربية،
الولد عاقل و حركي يحب يجرب كل جديد حتى لو خطر
أكثر شي يفهمه السنع و مذاهب الرجال لان عمه الكبير دائماً ياخذه معاه
اهتمامات الأهل لبسة صحته أكله و شربه
السنة الماضية أقنعتهم يدرسونه في مدرسة حكومية لان الولد إذا قارنتيه بياهل بروضة ثاني بيكون اللي بروضة يعرف الأحرف و الأرقام و هو لا
و الخطوة الثانية أقنعتهم ايبون له مدرسة خاصة للبيت تعلمه الأساسيات و تراجع وياه دروسة و بالاخص الامتحانات و الحمد لله مستواه الدراسي ارتفع من ضعيف لجيد و طموحي انه يكون متفوق مب بس ناجح
اللي تقدر تساعدني تراسلني بسرعة على الخاص
ابيه يحفظ من القرآن و يهتم بالصلاة و أمور الدين
أبي أصنع شخصيته قبل لا يفوت الفوت
المشكلة اني بإمارة و هو بإمارة و عادي ما أشوفه بالشهر غير مرة
هو يحبني و يتقبل مني و يفرح لما يراويني أشياءه اللي يحبها
باختصار ابي اكون له ام و ابي انقل هالاحساس له الي اكون ملاذه و مستودع أسراره، كاسر خاطري و ابكي كل ما اشوفه
يالله حبيباتي همتكم معاي و لكم الأجر من رب العالمين
انتظر وقفتكم معاي
المشاركة الأصلية كتبت بواسطة قارورة العسل 
كان ودي و الله و هذا اكثر شي أتمناه لكن ظروف بيتهم ما تسمح
و مشكورة على تشجيعج لي
وجزاك الله خير
اهم شي حاولي يكونون اصدقاءه من الاصدقاء الاسواء لان لهم تأثير في شخصية الولد