انا سمره وهو اسمممر عني ومب عايبه شو الحل؟؟؟

.
.

السلام عليكم خواتي

بدخل فالموضوع لي محيرني ومب مخليني اناام الليل..

بنات..
انا مالجه صارلي 4 شهور تقريبا, خذيت واحد مب من قبيلتي

وكانت الخطبه اهليه, المهم ان هالريال طيب وحنون وعادي يعني

جماله مب لين هناك (بشهاده اليميع وحتى اهله, انا احلى عنه ودوم يمدحوني جدامه ) مب هذي مشكلتي

انا مقتنعه فيه وراضيه بكل شي,, المشكله الحين انه دوم يقولي انتي سمره

اول مره قالها لي خذيتها بمزح قلت: عادي سمرا بس حلوه وطوفت السالفه وعقب فتره

رد وقالي او بالاحرى ينغز اني سمره وليش ما احط كريمات عشان استوي بيضا,وقالي

بعد في شعر فويهج ليش ما تشيلينه من ناحية الشعر انا اشقر ويوم العرس بشيله بخيط

دووم يوم يي يزورني ما يشوفني الا وانا كااشخه ومرتبه عمري

بنات انا صح سمرا بس لون جسمي وويهي كله موحد الحمدلله..ومب اني ذاك السمار يعني مب سودا

سمرا فاتحه وهو اسمر عني بوايد

انا ماعندي نيه اني استوي بيضا ابدا لاني مقتنعه بعمري جي…

خبرت هلي وعصبوا امي قالتلي سكتي واذا قالج مره ثانيه انا بتفاهم معاه

وهذا قالي مره ثانيه بس ما قلت لامي لان اعرف بتستوي مشكله هلي ما يرضون

يزاكن الله خير فيدوني شسوي مع هالريال, اذا الحين يعايرني بسمارتي الله يستر بعد العرس

والحمل والولاده وتغيير الجسم والمتن. .

.
.

الله يعينج ابصراحه ..

بس افضل حل انج تتناقشين معاه ..

لا تحطين في بالج حبيبتي,,,
اذا انتي مب عايبتنه ما بياخذج من الاساس,,,
يمكن هاي كلها سوالف,,, واكييد ايشوفج احلى حرمة فالدنيا..

لا تضايقين وادعي ربج انه ايجملج في نظره

تناااقشي معاااااه على الموضووووع

الله يعينج ,,,,

الله يهدي ريلج ,, و ان شااء الله يتغير للافضل

الله يعينج استغفري وايد وربي بيوفقج

حبيبتي اكيد قبل الملجة كانت في النظرة الشرعية و شافج لا تقولين ما شافني لانها بتكون غلطة كبيرة

تناقشي وياه و اتفاهمي معاه خبريه باللي ف خاطرج وانج تتضايقين

ولا تدخلين حد ف السالفة ماله داعي تخبرين اهلج

وربي يوفقج