انا عندي سؤال؟؟؟؟؟

انا بنتي عمرها 4 شهوور ونص وابغي ااكلها بس خايفه
لان الدكاتره يقولووون لازم اتاكلونهم بعد 6 شهوووور
ممكن اعرف شو السبب؟؟؟؟؟

عادي عطيها روب او موز مهروس – شوبة خضر – خضروات مهروسة

انا بصراحه اكلت ولدي من الشهر الثالث الحمد لله ما استواله شي ….. اول شي بديت بالسيريلاك و ثم بالعيش مال يهال , و العصير مال التفاح و سويت له شوربة خضار و الجزر المهروس و التفاح و القشطه و الروب … بس كم ملعقه لا اتكثري و لا بيه امساك و كثري الماي

شحالكن ….يالغاليات
انا سمعت ان (بلعوم) الياهل مايعتدل يعني ما يكون مستقيم و مهيأ للاكل الا بالشهر السادس وعسب جي الدكاتره ينصحون إنج اتاكلينهم فالشهر السادس ..
وبعدين ليش مستعيلات فأكل اليهال حرام تو الناس عليهم لاحقين بيكبرون وبياكلون إن شاء الله ..

وبعدين اناجربت اعطي بنتي فالشهر السادس ( زبادي ) ثاني يوم ظهر لي فجسمها نقوط حمر بشكل فظيع ..
وطبيعه جسم كل طفل تفرق عن غيره ..

انا أقولج شو السبب

لانج اذا بديتي تأكلين الياهل قبل ما يكمل ستة شهور، تزيد فرصة اصابته بأمراض الحساسية المختلفة وخصوصاً مع بعض الاطعمة مثل البيض
وحتى لو ما تعرض للحساسية نفس الوقت، بيظهر في فترة لاحقة
هذا طبعاً مب كلامي.. هذا كلام أهل العلم والاطباء

فليش تستعيلين عليها… خل يستوي عمرها 6 شهور واكليها، على الاقل بتكونين مطمنه، مب تأكلينها هالعمر وتمين تحاتين..

الله يخليلج بنتج ويحفظها
واسمحيلي

انا كل اللي اعرفهم اكلو عيالهم من عمر 4 شهور لان اللي سمعته المعده تبتدي تهضم من هالسن
والله اعلم ..

انا ولدي الله يحفظه يمشي فالشهر الثالث ومفكره اعطيه اكل من يكمل 4 شهور انشالله

لا تستعلين عليه إلا هن شهرين و بياكل إنشالله في ها الفتره ذوبيله بسكوت فارلز و إعطيه ياه