انا في المانيا ، و ابغي افضل اوت لت

السلام عليكم ورحمة الله وبركاته

خواتي انا في اوروبا حاليا قي ميونخ
و بروح ل سالزبورغ و زيلامسي و ميلان و باريس

و محدده 3 ايام اروح فيهم كذا الاوت لت

للي جربن يخبرني

شو احسن اوت لت ،!
تكون فيه ماركات اكثر
و اسعاره حلوه مقارنة بغيره

اترياااااكن خواتي

رايي ميونخ وسالزبورغ وزيلامسي ما فيهم تسوق فعلي !!

خلي التسوق حق باريس وميلان

بخصوص ميلان :

ميلان هي مدينة التسوق بلا منازع … تجربة رااائعه حتى في متاجرها الصغيرة

لكن بالقرب من ميلان بتلقين كمن أوتليت شوفي شو الأقرب لج :

1 VICOLUNGO OUTLET
https://vicolungo.thestyleoutlets.it/en

أول شي ادخلي السايت مالهم وقدمي على بطاقة خصم السواح Tourist Card:
يعطونج 10 % خصم على المشتريات

وعندهم خدمة Shuttle من وإلى الآوتليت

2 Serravalle Designer Outlet
https://www.mcarthurglen.com/it/serra…ner-outlet/en/

اذا حبيتي تاخذين الshuttle الى الاوتليت
سيري مكتب الاستعلامات وراويهم التذكرة بيعطونج Fashion Passport
بتحصلين عليها خصم 10 % من المشتريات (لنفس اليوم فقط)

3 Fox Town Factory STORE
https://www.foxtown.ch/info.php?lingua=en

يبعد حوالي 45 دقيقة من ميلان وهوأقرب لمدينة COMO

4 Fidenza Village Chic Outlet Shopping
https://www.fidenzavillage.com/

ونسيت أقول لج : لا تنسين استرداد الـ Tax Free !!

خلي دايما صورة من الجواز في شنطتج
واسئلي كل محل اذا يعطونج تاكس فري
(لأنه في بعض المحلات لازم تكون قيمة المشتريات مبلغ معين)

واملي الفورمات عدل في الفندق

وخلي مشترياتج في شنطة بروحهم عشان اذا صدف وسألوج في المطار عنهم
على طول تفتحين شنطة وحدة وما تتخادين بين الشنط

والتاكس فري خذيه باليورو أحسن !
اذا طلبتيه باي عملة ثانية بييلسون يحولون ويخصمون من المبلغ !

هاذيل اللي قدرت أتذكرهم ويا ريت لو تخبرينا عن مشترياتج يوم بتردين بالسلامة

في باريس سيري غاليري لافاييت

انا وااااااااااااايد حبيت اوتلت ألمانيا لا تطوفينه

اكثر اوتلت عيبني بين فرنسا وبريطانيا والمانيا ماجربت غيرهم

شوفي بعد تذكرت شي مادري لو المانيا ولا ببريطانيا رحنا أوت لت مب شي طلع في ٢