انا قمه في الفشل .

مرحبا شحالكم ان شاء الله احسن عن حالي والله ياعزيزاتي اني بموووووت من الغصه والقهر
ياجماعه الكل ناجح الا انا فاشله بكل معنى الكلمه في الحياه ,تدرون الحياه بالنسبه لي هي الدراسه
انا درست لين الصف السابع وعقبها الوالد الله يسامحه ظهرني من المدرسه مع اني شطوره وايد
وتيمت يالسه فالبيت اخدمه هو وزوجته واخواني الحمدلله اني عقبها بسنتين عرست احين القهر انه
كل البنات اللي كانو وياي فالصف خلصن وشتغلن الا اناانقهر يوم اشوف وحده كانت كسلانه احين تشتغل في مكان مرموق والله مب حسد بس مادري يمكن غيره ,مع انه زوجي ياحرام شجعني ادرس مسائي بس ماعندي عزيمه دخلت المسائي بس كنت ماكمل اضهر تميت على هاي الحاله ثلاث سنين والحين يالسه اكمل صف تاسع بس وين يوم اسير وعشره لاا احس الشي اذا في غيروقته مب حلوو . حتى مدرسات المسائي يستغربن يقولن انتي الوحيده اللي تشارك فالصف ليش ماكملتي دراستج احسن عن اللعب مايدروون عن وضعي وانا بعد تعبت اقول للكل اني كنت شاطره وابوي ضهرني .
اصعب شعور على الانسان انه يحس عمره فاشل ووحيد والكل من حوله ناجح وسعيد احس محد يفهم شعوري قولو لي ياترى منو دمر مستقبلي ابوي ولا نصيبي الاسود "على فكره النحاسه مولوده وياي من وانا في بطن امي "حتى اذكر امي وحليلها تقولي ابوج من يوم تزوجني قالي اذا ولدتي في بنت بطلقج يعني انا مب بس منحوسه وبعد سببت النحاسه لغيري احين ياجماعه فترة امتحانات ومب طايعه اركز فالمذاكره افكر اقول وين بعد اذا نجت باجي لي ثلاث سنين قولوو لي شسوي اكمل ولا ايلس واعفن فالبيت ابرك لي على عمري 22 احس عمري 60 سنه بليز ابا اي شي يرفع منعوياتي ولو شويه بس والسموحه طولت عليكم .

حبيبتي اوول شي لاازم تمسحيين كلمه فااشله من قااموسج لان مخج شكله صدق هالكللمه و هذي النتييجه باانت علليج الحيين . سووري انا ما ابي اظاايقج بس هذي الوااقع .
حطي في بالج الحياة ما تعطينا كل اللي نبييه و في الوقت اللي نبيه في ظرووف تمنع و في ظروف تساعد انتي ظروفج منعتج انج تكملين دراستج بس عطتج زوج يحبج و يشجعج صح يعني الحيااة عطتج شي حلو و اخرتتتتتتتت شي حلو لبعدين يعني الحياة ما منعتج من الدراسه بس اخرتج شوي صح ولا لا شوفي الجانب الايجابي لا اتركزيين على السلبي
على فكرة اختي بتتخرج الحين من الجامعه وهي عمرها 28 سنه في ظروف اخرتها عن الدراسه بس تقبلت الوضع صح تقول مرات اللي في عمري يشتغلون و متزوجيين و عندهم عيال بس تعرف ان الحياة ما تعطيينا كل شي و راظيه في نصيبها

سوري حبيتي طوولت عليييج اعرف كلامي مش وااضح بس شو اسوي حبيت اسااعدج

انتي بعدج صغيره

وبااقي لج 3 سنين شويه وخااصه ان الاياام تركض الحين ..

انتي شاطره وريلج يشجعج وين المكشله شدي حيلج وحطي في بالج انه لج طمووح ..

والله لو تشوفين عندناا حرريم فالجامعه اعمارهن 26 و30 وفووق هذاا معرساات وعندهن عياال ردن يدرسن ماشااء الله عليهن وانتي بعدج صغيره ع الاقل خلصي الثنويه ^^

وربي يوفقج ويسهل عليج ..

حبيبتي انتي بكلامج هاذا معناته انج تعترضين على قضاء الله وقدره الذي كتبه لك .. هذا قضاء .. قدره الله عليك لأنه يعلم أن ذلك الوقت غير مناسب لك في الدراسة .. كل شي حكمة من رب العالمين .. ف انسي اللي فات .. اللي فات مااااااات .. وابدئي صفحة جديدة مو أول ولاآخر وحده صارلها اللي صارلج .. ياالله ياالله توكلي على رب العالمين وقوي ايمانج بالله وركزي على العبادة له ثم إكمال العلم .. واتركي الشيطان وابتعدي عن وساوسه بالالتزام بالدين والقرب من الله ..

والله ياعزيزاتي اني كتبت الموضوع وهو اول موضوع لي ويلست اتريا رد من اي حد اي حرف تكتبونه يمثل لي الكثير اكثر من ما انتوو متصورين ماقصرتوو اشكركم من اعماق قلبي =)

فديت قلبج الغاليه انتي بعدج صغيره وحمدالله انتي ناحجه لا تقولين جي انتي ناحجه في بيت زوجج وناحجه في اطاعه الله والدينج الغاليه افا عليج استغفري وشدي حيلج وذاكري وياارب تنجحين ان شالله ما باقيلج شي الغاليه وربي يوفقج