انا ما اعرف شو ابا من زوج بمواصفاته

انا احيانا ادعي انه يجيني زوج صالح وطيب وحسن العشرة ومبارك وكثير البركة وزين ومن خيرة الرجال ويسعدني طول العمر وغني جدا واحيانا اقول في نفسياحنا مو اغنياء وادعي يجين واحد ميسور الحال ماعرف شو ابا جميع المواصفات احدده من شكل وعمره ومدينته وكلها اباها بس الي محيرني هو الغني او ان يكون ميسور الحال

لاني اشوف الاغنياء مب مرتاحيين في حياتهم اما الميسوروين العكس احسهم مرتاحيين اكثر نفسيا وجسديا لانه كثرة المال تتعب نفسيا

السلام عليكم ورحمة الله وبركاته

الله يرزقج بولد الحلال الي على دين وخلق والي يخاف ربه ويصونج ويحطج في عيونه اهم شيء الاخلاق وخوفه من ربه

اهم شي الاخلاق وبس لا مال ينفع ولا منصب
لانه زوج بدون اخلاق تعاسه لكن زوج بدون مال ممكن تمشين حياتج ع قدج .. ع الاقل لا يضرب ولا يهينج ويقدر العشره

ميسور الحال بس كريم ويحترمك اهم شي

موظف (عنده راتب) مو شرط موظف + عنده بيت + على خلق ودين

مب شرط الغني مب مرتاح
ياما اغنياء و مرتاحين و سخروا اموالهم في سبيل الاسلام
و عندج مثال بعض مشايخ اهل السنة و الجماعة … تلقينه متدين و ملتزم و اخلاق و غني و مسخر امواله في خدمة الدين …

الله يرزقج بالزوج الصالح الي يحمل سعادتج و راحتج بيده …