انا مضايجه

مرحبا بنات حبيت اعرضلكم مشكلتي واشوف كل وحده لو كانت مكاني شوبسوي ريلي البارحه سار الدوره التابعه لشرطة دبي والدوره مدتها 6 شهور 45 يوم حجز وبعدين بس ايي الخميس والجمعه وانا ما ادري اذا هم بيعطونهم تلفون عسب يدقون ولا لا وانا ابصراحه وايد مضايجه لاني متعلقه فيه وايد والله حتى الاكل من البارحه مب قادره اكله والمشكله اني حامل وخايفه على البيبي الله يخليكم عطوني حل شو اسوي عسب الهي نفسي وما افكر كل ما اذكره او اشوف اي يخصه في البيت اتم اصيح

الله لا يفرقكم عن بعض
حبيبتي كيف ما تبين تذكرينه وتذكرين اي شي يخصه ويكفي انج تحملين اكبر شي يشترك بينكم ويقربكم من بعض اكثر انا اقول اول ما تذكرينه ادعيله وقولي الحمد لله انه اييج كل اسبوع والله يطمنج عليه

الحمدلله انه في البلاد مب برع البلاد

واحيانا يعطونهم تيلفون

بس خليه يشد حيله عقب ال 45 يوم عسب ما ينحجز خميس وجمعة

والحمدلله انه ساير لشغله ورزقه مش ساير يلعب

خلاص انتي الحينه حرمة وقريب بتكونين ام فقوي قلبج

صح في شوق بس الهي نفسج باي شي

ويكفي هالمنتدى يسد الفراغ كله

والله اني ايلس بالساعات ع المنتدى

اشكركم على المرور

لا اتحاتين الغالية وهالمشاعر لازم فديتج فهو ريلج ولازم تشتاقين له والله يصبرج إن شاء الله
وإن شاء الله الأيام اتمر بسرعه وما بتحسين إلا وهو حذالج ربي يسعدكم حبيبتي ويخليكم لبعض ويقومج بالسلامة
ولا تنسي التوتر مب زين للياهل ولازم تاكلين شو ذنب هالياهل تحرمينه من الأكل وتزعلينه..
الله الله بعمرج الغالية ..
ربي يحفظج

اشكرج اختي سفيرة الامارات

حليييلهم اللي يحبووووون @_@

اختي ما عندج هوايات؟؟ سيري بيت اهلج ولا طلعي ويا ربيعاتج لا تيلسيين في البيت روحج