انا وايد مضايجه اليوم كان عندي ثاني موعد عشان اسمع ادخلو ضروري ؟؟؟

السلام عليكم ورحمة الله وبركاته

بنات انا قبل فتره سرت وسويت سونار اول ماعرفت اني حامل وقالتلي الدكتوره اني فالاسبوع السادس و ماشفت الجنين بس شفت الكيس وبعدين عطتني موعد بتاريخ اليوم ~ وانا زايغه اترياها تحط جهاز الفحص على بطني اول ماحطت شفت الجنين وسمعت النبض الحمدالله واستانست ~
بس قالتلي حجم جنينج صغير وهو يعتبر فالاسبوع السادس!! وعطتني موعد ثاني قالت لازم اشوفج ويكون الحجم متغير ؟؟؟؟؟؟؟؟؟؟؟؟؟؟؟ والله اني خفت ودمعت عيوني قلتلها في خطر عالجنين قالت لاتخافين كل شي بيد الله ان شاء الله خير ~ بس مادري احس ماقالتلي كل شي سليم قالت بس يصير خير
؟؟ الحين طمنوني والله محتاجتلكم كيف في نبض والجنين تقول عمره 6 اسابيع ~ يعني انا اتوقعت اني بدخل الثالث باجر بس للاسف والحمدالله قالت بعدج انتي فالثاني~ بنات بليز واللي يرحم والديكم طمنوني منو استوالها مثلي حجم جنينها كان اصغر من عمره وبعدين صار طبيعي؟؟؟؟؟؟؟؟؟؟؟؟؟؟؟؟؟؟

مآعندي فكرة ..
لا تحااتين واللي الله كاتبنه بيصـير

عزيزتي اكثري من الاستغفار و الدعاء وان شاء الله خير
والله يثبت حملج

داامنج سمعتي النبض لييش زايغه
يمكن الي صارلج حمل متأخر
ولااتحااتين مااقتنعت من كلام الدكتوره كيف يعني الجنين صغير؟
سيري عند دكتوره ثانيه عشان تتطمنين اكثر
ان شاالله مافيه الا العافيه

الغالية أنا صارلي نفس الشي. في الأسبوع السادس كان الجنين أصغر من عمره، بس الحمدلله عطتني الدكتورة اسبرين مال القلب، ومن الثالث كبر البيبي وحجمه الحين طبيعي ولله الحمد..بس طبعا الاسبرين لازم أقطعه من نص الثامن.

الله يثبت حملج وتربين بالسلامه ويفرحج بالبيبي..

الحمدالله ع كل حال بس حبيت اطمن من اللي صار لهم مثلي ~ ورجع طبيعي

اطمني ولا تحاتين وان شاءالله يزيد وزنه

انصحج تسيرين عند دكتورة ثانية..

وموفقة..