اليوم عاد بكتب مشكلتي بنك يديد حتى محد يعرفني
الله يبعد عنكم العديله وخاصه يو مثل عديلتي حقد الدنيا كله في قلبها
المشكله طال عمركم انا وحرمة ريلي الثانيه بهذا المنتدى
عرفتها من خلال مشاركاتها لني اعرف اسلوبها وخاصه انها بينت كل شي من اول ما سجلت بالمنتدى
المهم يا ناس شو الحل معاها دوم في ردودها تقول الحرمه ام لعيال يخلونها حق لعيال وبس والا هي مالها قيمه
منو اللي مالها قيمه اللي تتزوج ريال بالسر ويوم يعرفون اهله محد يحاول يتعرف عليها وخاصه انهم يعرفون اني مب مقصره وهي مجرد وحده تعرف عليها
طبعأ كوني حرمه ما قدرت استحمل يبت ريلي وقلت جوف المدام شو تكتب ان كنت عشان لعيال مخلني على ذمتك طلقني والعيال انا ما بحرمك منهم تباهم خذهم كرامتي اهم من كل شي بالدنيا
ريلي طيب ويحبني موت وهو صارحني ليش تزوجها اكيد ما اقدر اقول لني عطيته عهد ما يطلع السر لين يوم لحساب
قال ما عليج منها ولا تجوفين شو تكتب هاي انسانه حاقده وانتي تعرفين معزتج عندي وتعرفين سبب زواجي منها
خواتي ما بطول عليكم اول ما عرفت بزواجه حالي حال اي وحده عصبت وتضاربت وبعدها دعيت الله يصبرني وريلي ما قصر رمسه مب زينه ما سمعني كل كلامه اللي يقوله عني عند ربعه واهله يوصلني وكله مدح وتقدير
المشكله فيها هي تحاول تسوي بينا مشاكل
شو الحل
اختكم الزوجه الاولى
الغالية الحقران يقطع المصران … ومب كل شي قالته أو كتبته سرتي خبرتيه ريلج أو أنج سويتي من سالفه
ما عليج منها و اهتمي بريلج دام أنج تعرفين أنه يحبج و يحترمج
والله يصبرج
بس انتي متاكده من انها مشاركه بنفس المنتدى