بصراحة يا خواتي هذي اول مشاركة لي في المنتدى،،، وما حبيت انها تكون بمشكلة اعيشها كل يوم واموت فيها كل دقيقة،،، ساعدوني شو الحل؟؟؟
انا انسانة متزوجة من 5 سنوات وعايشة ويا اهل ريلي وكافية خيري وشري مثل مايقولون،،، مشكلتي في حمياتي الله يسامحهم ولسانهم الطويل اللي يلسعني كل يوم،،، انا وايد مسالمة وياهم وصوتي محد يسمعه وكله اقول الله يسامحهم بس لين متى؟؟؟
يتعمدون يضايجوني ويحرجوني جدام كل حد القريب والغريب،،، يعني بخبركم عن بعض المواقف وانتوا احكموا،،،
بالصدفة كنت مارة وسمعت حميتي تضرب بنتي واتقولها يابنت (الكلبة) عزكم الله والثانية تتامر عليه واتقولي قومي نشي هاتيلي استكانة جاهي والثالثة تاخذ مفتاح سيارتي وتطلع فيها بدون مشاور،،،
شو الحل؟؟؟
مب قادرة ارقد من الضيج اللي فيني ولا قادرة اكمل الموضوع من كثر ما اصيح
اذا ريلج زين حق طنشييييييييييييييييييييييييييييهم
الله يهديهم بس
الله يصبرج وانشاءالله بيطلع لكم بيت وبترتاحين
ومأجووووووووووووووورة فديتج
صدقيني بتكبرين في عين ريلج
ربي يحفظج انشاءالله
وتقبلي مروري
والكلاب تنبح والقافله تسير
لا تصدعين راسج وياهم طنشيهم
انا مابا احرضج عليهم لاكن لاتكونين ضعيفه هم يحاولون يستفزونج عشان تضاربينهم بس انتي عاقل وطنشيهم والحقران يقطع المصران ولا تخسرين ريلج بسبتهم والله يهديهم
شو الدنيااااااااااااااا
فووضه !!
عجيب
بس فديتج انتي صح مسالمه وكافيه خيرج وشرج بس بعد لا تكونين في حالج لدرجه انهم يحطون في بالهم ان ماعندج شخصيه ويتجرأون عليج..
انا ماحرضج عليهم بس حاولي تكونين معاهم اووكي تقربي منهم بطريقه ما تذلين عمرج عليهم..!!
وربي لنهن زعلانات انج هب من طينتهن ^_^
احمدي ربج و اشكرية انج مميزة عنهن ^_^
و بالعكس لا اتردين عليهن لين ما يعرفن حدودهن وياج