تعاتبينها شي طيب وحلو بس الزعل مايصير والمفروض كل وحده تعرف دينها لانه الشي الوحيد اللي مايباله تشجيع من طرف ثاني هو الدين والصلاه التشجيع يكون تشجيع النفس والله يوفقكم ويسعدكم ويرزقكم الجنه
السلام عليكم ورحمة الله وبركاته
الغلا صح ولا غلط بكل صراحه ما اعرف
بس شو نوع الزعل يعنى هل هو عتاب بسيط والامور بسيطه ولا زعل قوى اعتقد لو كان زعل قوى ممكن ينفر الناس منا ومن الاشياء الى نبي نحببهم فيها يالغالية.
حبيت اقولج حلوه الصداقه الى يكون فيها الزعل لوجه الله ..الله يحفضكم يارب ويحفط اهاليكم الى ربوكم على الخير والدين.
غلاتي لو الزعل في هالشي يفيد ازعلي قد ما تبين
حلوه صداقتكم وربي يديمهاا
حلوه صداقتكم وربي يديمهاا
حلو جي الغلا بس الخوف يكون من داخل ولرب العالمين يعني تسوين الشي مب علشانها لا لوجه الله والله يديم الصداقه امبيناتكن
الله يرضى عليكم يارب
حلوه علاقتكم الغلا بس ماله داعي سالفة الزعل لانه يصير كانج بتقرين قران والا بتصلين علشانها صح وكل وحده فيكم ماشاء الله عارفه امور دينها ممكن تشجعون بعض ع عمل خير ع مساعدة اسره فقيره جذا يعني بس مثل هالامور تزعلون من بعض علشان صلاه والا علشان قران يعني هالامور بينج وبين ربج اتمنى فهمتي قصدي الغاليه والله يديم صداقتكم على الخير يارب
حبوبه أنا أخااف يدخل هالشي في نيااتكم
و الاعمال بالنياات
الخوف إنه تكون في نيتهاا اتصلي عشان لا تزعلين
أبسطها و بتفهمينهاا
ممكن يدخل في نفسج أو نفسهاا (بصلي العصر عشاان أرضي ربي و عشاان فلانه ما تزعل) <<– هنيه استوى شركـ و العياذ بالله
فياليت يكون امبينكم نصح في العبادات و حاولوا اتصلحون نيااكم