انصدمت من سؤال ريلي ><

السلاااام عليكم ورحمة الله وبركاته

مسااااكم فل وورد

بنات طبعن مثل ما بعضكم يعرف انا مالجه ودووم اقرا قصص عن سالفة ان الريال يتغير على حرمته بعد الولادة

اتخيلوا امس ريلي كان عندي كنا نسولف وجيه فجأة مسك ايدي وقال لي بسالج سؤال ابتسمت له يعني اسأل جان يقول (( الحين الحرمة بعد الولادة يوم تربي اتم تحب ريلها نفس قبل والا ينقص بينهم الحب )) انا انصدمتتتتتت ابتسمت ابتسامه صدمه يعني اتخيلوا كيف جان اسسسسكت قال (( انا وايد سمعت ان بعد الولادة الحب ينقص بين الزوجين ,, ليش )) جان اقوله (( من امنو سمعت )) قال (( قالولي )) المهم تميت اقوله امنو قالك وكل ها انا بعدني ما رديت على سؤاله لاني انا بروحي ماعرف ليش… اللي اقراه في النت واسمعه من الناس ان الريال يتغير على حرمته بعد ما تربي ((( طبعن مش كل الرياييل بالعكس في رياييل يفرحون واااايد ويتمون نفس الشي ما يتغيرون )) بعدين قال لي ان ربعه وياه في الدوام قالوله وهو وايد وياهم وجيه انا انصدمت قلت الحين الريال يوم يتغير على حرمته يسير يقول حق ربعه بعد الولاده حبي لها نقص>>> المفرووض بعد الولاده يزيييد لانهم شاافوا كيف الحرمة تعبت وعاانت وصبرت

قلت له (( يمكن لان الحرمة يوم تربي وخاص اذا ربت البجر لازم اتسير عند اهلها وريلها يكون بعيد عنها يعني ما يرقد في نفس البيت و40 يوم مش شويه الريال يحس انه حرمته انشغلت عنه وجيه )) انا مادري شو خربطت له انا روحي ماعرف

احيد ابلة الدين الله يذكرها بالخير كنت احبهااا واااايد

قالت لنا ان الريال من حقه يعرس على حرمته في ال40 يوم لانها تكون في فترة نفااس ف الريال ما يعااشرها وقالت اهنيه يكون معذور لو عرس احسن من انه يسير للحرام ونفس الشي في فترة الدورة قالت قبل ايااام زماان قبل الاسلام الرياييل كانوا ما ييلسون عند حريمهم ولا يقربون صوبهم اذا عندهم الدورة

انا قلت هو يعرف وربعه متزوجين ويخبرونه اخاف يحطون في باله افكااار والله حتى اني فكرت اني لو عرست باذن الله وحملت وربيت ما بهد ريلي بخليه يرقد في بيت امي في الميلس بما انه بيتنا بعيد عن بيتامي وبجابله وما بقصر عليه

تتوقعون ليش الريال يتغير على حرمته بعد ماتولد !!!!! وكيف اتخليه ما يتغير !!!!!

الله يوفقكم ويا ازواجكم ويزرقكم الذرية الصالحه وان شاء الله كل وحده مالجه او معرسه ريلها يحب موووووت والله لا يغير عليهم

وعسى ربي يرزق كل البنات ان شاء الله

فوووووووووووووووووووووووق

لا تعليييييييييييق

مدام فاتحج بالموضوع كان مفروض اتقولين له ان الحرمه نفسيتها تتغير وتستوي حساسه في الدوره والنفاس والحمل والريال لازم يراعيها ويصبر عليها من غير ان مسؤليتها تزيد ويا العيال
يعني عشان عقب يتفهم ويساعدج
هذا رايي بس مااعرف شوراي المتزوجات

لابالله انتي صدق زايغه من هالسؤال
ههههههههههه
بس حبيت اسويلج جو
المهم لاتزيغين ولاهم يحزنون من قال يتغير بالعكس انتي تعرفين كيف تسيطرين عالوضع
تعرفين ليش يتغير لانه يشوف حرمته فيه حد ثاني خذ اهتمامها الا وهو البيبي واحسه يكون شوي مش متقبل الفكره عشان جيه يبتعد ويبتدي البرود انا باول بيبي اول ماربيت صدق ابتعدنا عن بعض بس كل ماكبر البيبي وحاولت تسيطرين على الوضع وتردين علاقتج بريلج هو بعد بيرد شرات قبل واكثر فا لاتحاتين حبيبتي

الله يتمملج على خير يارب و يرزقج الذرية الصالحة.

حبيبتي من رايي مب الريال اللي يتغير ، للأسف الحرمه هي اللي تتغير. تصب اهتمامها كله على الطفل الصغير و تنسى و تتجاهل الطفل الكبير (الزوج). انا لاحظت ان الازواج و خاصة اللي كانت حريمهم مدللتنهم يصيرون يغارون من عيالهم. وللأسف بعض الحريم يصيرن يهملن عمارهن ما ينزلن الوزن بعد الولاده، ما تهتم بشكلها بلبسها بنظافتها. تاقينها بالبجامه 24 ساعه. وهذا ينفر الزوج منها.
و اكبر غلط في نظري هو يوم تقوم الحرمه تيب الطفل و ترقده في سريرها بينها و بين ريلها. هذي قمة الغلط. يحس الريل أنه فقد مكانه و طبعا ما يقدر ينام و يستريح و النونو شغال صياح طول الليل و يعصب الريل و يزعل ممكن يطلع من غرفة النوم يصير يبات في غرفة ثانية أو حتى برع البيت. لأنه يدور راحته مسكين اللي فقدها بسبب اهمال الزوجة. أو الزوجة تطلع تنام في غرفة أحد الاطفال و تمر سنين وهم كل حد في صوب.

و بعد الان الزوجة سهرانه و تعبانه ويا النونو طول الليل (وفي بعض الحالات بسبب الخلل الهرموني) يكون مزاجها متعكر ماتسولف و تضحك بس نكد و عصبيه و تعصب على زوجها مسكين و يرجع هو يعصب عليها. هكذا…

بس هذا الشيء طبعاً مايصير عند الناس كلها بس أقلية. انشاالله ما بتكونين وحده منهم. و بتقدرين توازنين بين ريلج و عيالج انشاالله.

بالتوفيق.

الغالية مب بس فالنفااااس …!!

و الله شي حريم بصرااااحة قمة البرووود

تلقينها حاطة ريل فوووق ريل و تتامر و تشووف الدنيااا بعدسااات مزيفة

و كلها تبا و تبا و تبااااا

و 24 سااعة بيت اهلها ..لين يتملل الريااال خلاااص فيدور رااحته برااا طبعا

دامها تبغي اهلها خلها بيت اهلها …