بنات اخر مره جكيت ريلي يرمس من كم اسبوع وكانت هاي البنت متعرف عليها
قبل ماياخذني بس ماتزوجها علي قولته طلعت خايسه وترمس مليون واحد
أنا رمست البنت وسبتني سب بالمسجات طبعا
هي اتعرف عني كل شي الحبيب يخبرها كل شي يستوي في حياتنا
وانا قلت لها لو يباج بياخذج بس هو يباج للرقاد وفعلا هو يباها عشان جي وهي
بنفسها قالت انتي ماتريحينه ايي يرتاح عندي وانج ملوعه جبده وهو متحملنج عشان البيبي الله ياج مب عشان شيفتج
لا وعقب اتصلت له وقالت له مرتك تقولي عالاقل أنا متزوجه وعندي ريل مب انتي ام الرياييل وماعرف شو
اتصل لي ريلي ونازعني قالي ليش تقولين لها هالاكلام
اتخيلو بدال مايدافع عني دافع عنها معني راويته مسجاتها اتخيلوا ماسوا شي
وفوق ها كله وزعت رقمي وكل دقيقه اييني مليون رقم
المهم نحن علي عالحال لين اليوم
خواتي ماقدر أتحمل احس بنفجر يوم اتذكر انه يرمسها لا تعرف أنا وين ساكنه وأب وحده غرفتي لانه يت بيتهم مره عل اساس تتعرف عليهم
المهم أنا متأكده انه هو للحين يرمسها ويرمس غيرها معنه حلف لي هاك اليوم انه يتغير
بنات اتخيلوا حتي يوم يدش الحمام عزكم الله يدخل فوناته وياه معنه قالي خسي افتح فوناتي جدامج وكلهم فيهم أرقام سريه ماعرفها
اليوم احتشرت عليه وماقدرت أتحمل احس نفسيتي تعبت ماقدر اشوفه يرمس وأسكت
سبني عشانها وقالي يارب اللي فبطنج يموت وروحي بيت اهلج فكه من ويهج وتم يحلف انه يوم أنا آتم عند اهلي هو يرتاح مني
ووايد جرحني لأني قلت له أنا بروح الشرطه ووبراويهم مسجاتها وبقول لهم هالخايسه ترمس ريلي وتعرف انه معرس
قالي لو رحتي اعتبري نفسج مطلقه ااااااه وايد وايد سبني
ماعرف شو اسوي ويا هالمغازلجي
والله يابنات كفايه مخلتنه علي راحته اول ماينش يطلع مايرد الا الفجر
تعبت وانا بروحي
يعني مااييلس وياي ولا يسولف وياي ومايخبرني عن أسراره ولا يدلعني ولا يطلعني يمشيني الا بالحسره وفوق ها كله يغازل والله هو عايش جنه عزوبي وانا عنده زيادة عدد وعله علي القلب
ماعرف شو اسوي
لا تقولون خبري حد
اهله يعرفون مايقر فالبيت ورمسوه مليون مره ومافاد
حسبي الله عليه ونعم الوكيل ><
والله ماعرف شو اقولج انتي حامل مب زين الزعل عليج هالفتره واهتمي بصحتج وطنشيه لين تربين بالسلامه ان شاءالله
حسبي الله ونعم الوكيل جان سمعتيها كم كلمه في الصميم يمكن تحس على دمها وتودر ريلج
الله يهدي ريلج ان شاءالله
حبيبتي البنت هذي ماتستحي
لاصقه بإنسان مرتبط
وأنتي سكتي عنها وأيد
تعرفين ليش من طيب أصلج
أنا بقولج كلمتين بس
حافظي على بيتج وعلى أحلامج وطموحاتج
حاولي تكسبين ريلج
طبعا الريال مايحب الحن والزن ووين رايح ووين راد
واكره ماعنده حد يفتش في تيلفوناته
تبغين نصيحتي أتعاملي بالسياسه معاه
لاتعصبين ولاتضايقين وحطي كل تفكيرج فصحتج
وصحه البيبي
وتحملي أي شي يصير لأنج بنت ناس
وإن شاءالله ريلج بيترك هالاشياء
لاتتركين بيتج علشان وحده مثل هذي
خلقج أقوى منهم
يارب ينصرج عليها عاجل غير أجل ان شاءالله
انتي الحين حامل ولازم ترتاحين وتحاولين تنسين كل شي بس عشان البيبي لانه الحين فات الاوان في طفل بيكون من بينكم. وبصراحه انتي غلطتي ببعض الامور المفروض ماتتجسسين عليه وماترمسين البنات اللي يرمسهن هاي اكبر غلطه تسوينها. كان المفروض من البداية اول ماعرفتي تتركين الامر وتحاولين تبدئين اصلاحه بدون مايحس انج عرفتي الا عاد لو كان شي استوى جدام عينج اهني واجهيه بعقلانيه
وكل ماتحلين اي مشكلة بعقلانيه من البداية كل ماصغرت وانتهت اما تتركينه وعقب تكلمينها وتتفاهمين معاه عقبها وعقب تعصبين وتروحين بيت اهلج مب حل صدقيني.
حاولي تركزين اهتمامج الحين على نفسج وعلى البيبي تعوذي من الشيطان واستغفري يوميا وادعي ربج ومحد بيساعدج غيره ومحد بيغير ريلج غير رب العالمين.
مايسوى عليج..لاوبعدحامل مايصير كل هالزعل وانتي حامل ممكن يموت الجنين او يتشوه لاقدر الله
سيري بيت اهلج وخليهم يتفاهمون معاه يا يصطلب ويستوي ريال ياقوليله باي باي
المشاركة الأصلية كتبت بواسطة عليونة 
مايسوى عليج..لاوبعدحامل مايصير كل هالزعل وانتي حامل ممكن يموت الجنين او يتشوه لاقدر الله
سيري بيت اهلج وخليهم يتفاهمون معاه يا يصطلب ويستوي ريال ياقوليله باي باي