اهلي مصخوها .

بنات مالي غيركم في هالمنتدى الاكثر من رائع..
مشكلتي كل مايتقدم لي شخص يمصخونها اهلي واااااااااااااايد لانهم يماطلون يوم يسألون عالشخص اللي متقدم لي.. بنات انا مب صغيره عمري 25 وكل ما يا حد ياخذون فوق السبوعين عشان يسألون عن الريال المشكله الناس ادقدق تيلفونات يبون يعرفون شو صار على الموضوع.. اهلي ماشي ابرد عنهم… انا من ناحيتي اكون قلقه وايد لين ما ايبون خبر وياريت حد عاجبهم كل يوم مطلعين عيب .. لاتوليلي ارمسي لاتمين ساكته والله مب مقصره دايما اكلم الوالده شو صار عالموضوع وهي ببرود بعده ماصار شي..
صدقوني انا مب معترضه على كتبة الله بس لين متى بتم على هالحاله؟؟؟ يطولون السالفه واخرتها مايعجبهم العجب.. وانا ما اقصر قبل الوقت استخير عساس اذا خير ربي بيسهل واذا مالي خير بتتعسر..
بنات انا ضايقه من هالوضع صدق الشكوى لغير الله مذله.. الناس مابيتمون طول عمرهم ايوني واكيد بيي يوم بيوقفون وبيقولون هاذيل اهلها يتنقدون ويطولون فالسالفه.. شسوي فيدوني والله ضايج خاطري..؟؟؟؟

الله يكون في العون
و ايسر امرج
و يرزقج الرجل الصالح و الذرية الصالحه
^_^

كلمي امج

أو وحده من اخواتج اذا عندج اخت كبيره

لازم يهتمون

و ادعي رب العالمين ايسر لج امرج

و الاكثار من الاستغفار

حاولي تفهمينهم ان الايام تركض والعمر يمر وانتي سنة عن سنة تكبرين واخر شي بتطيحين في جبودهم الله يهديهم صحيح من حق الاهل يسألون عن الريال لكن مافي ريال مافي عيب كله الرياييل فيهم عيوب ومحد كامل فحرام ليش يوقفون حالج الله يهديهم

الله يكون في العون
و ايسر امرج
و يرزقج الرجل الصالح و الذرية الصالحه

والله ما أعرف شو أقولج يا أختي بصر احة ، حاولي تكلمينهم بهدوء ، والمكتوب بصير. والله يرزقج بالزوج الصالح و الذرية الصالحة

مشكورات خواتي على ردودكن معاي..
للأسف ماعندي خوات .. بس صدقوني مول مب وقصره اكلم الوالده دايما بححح صوتي بس باااااردين بشكل ومن غير هذا فيه وهذا فيه.
والله نفسيتي تعبانه ومادري لين متى بتم جي.. ادعولي والله محتاجه دعواتكم ..