اورام الثدي

اسلام عليكم

بنات انا عمري 18 سنه

مالجه وعقب شهرين عرسي ان شاء الله

من سنه تقريبا الاحظ ورم ف صدري

والحين كبر

ويوم اضغط عليه يعورني

سرت المستشفى عقب المراكض والتحاليل و عفسه قالولي ورم حميد.!

انزين بس هو مستشفى الحكومي عسب جه انا مب ماخذه الامور بجديه كبيره

بس خذت موعد ف ستشفى الزهرا ف شارجه عسب افحص مره ثانيه

الحين انا ابا اعرف انواع الاورام اللي تكون فالصدر.. و وشو احتمالها؟ وه من شو تتكون اصلا؟

وياليت لو ادلوني على مستشفى اوكي حق الاورام في الامارات

والسموحه

^^

الله يعافيج اختي

ما عندي فكرة …

انا عندي نفس مشكلتج بس قالولي من الحرارة … عندي الاورام اتروح واترد …

والله يستر

سلامتج الغاليه

انا المشكله الورمه عندي ثابته

ماخذه شكل كتله و تكبر

عفكرة انا فيني شراتج … ومب ورمه وحده ولا ثنتين وسرت اتعالجت من كثر ما سمعت عن مشاكل الصدر وعن الامراض بعيد الشر .. المهم سرت القاسمي وقالولي لازم جراحه لان كان فيني فاليمين 13 و اليسار 5 عفكرة احجامها بين المتوسطه والكبيرة واحس ان صدري كبر المهم قلت لازم اطمن ع عمري وسرت زليخه وقالولي نفس الكلام وسويت العمليه وشليتهم وتخيلي فصدريييييين وايد تعبت بس قلت ما عليه هذا بلاء من الله وتوكلت على الله وصبرت قلت بسوي دام ان بيخوزن وانا اللي خلاني اشلهم لانهم كبار والدكاتره خوفوني وقالولي هم الحيم اورام حميدة ولاسمح الله اذا اطورو وكبرو يمكن يتحول للخبيث لا سمح الله… وتخيلي الحين رد طلعلي مرة ثانيه وسرت القاسمي قالولي لازم جراحه قلت لا مستحيل بعد اسوي جراحه حرام قهر لان انا بعدني بنيه واخاف صدري يتشوه والحمدلله الجين مب متشوه وايد يعني شكله عادي… المهم سرت ادبي مستشفى راشد ودبي عشان اطمن وحاليا انا اتعالج عندهم وعندي موعد ع السبوع الياي تقريبا… واول ماسرتلهم قالولي لا مابنستعيل ونسويلج جراحه خلينا نتري 6 شهور ونجوف ونراقب الحاله وانشالله مايحتاج لعمليه … والله يشفيني ويشفيج ويشفي الجميع … ع فكره الاغلب قالولي من بعد الزواج بيخوز لان الهرمونات بتتغير… و للعلم قبل لا اسوي العمليه كان فيني من 5 سنين… والله كريم ..

ويييه

والله تزيغ هالرومه

انا مب عارفه شسوي والله

ورمه وحده ومب متحمله .. الله يعينج والله

انا بسير مستشفى الايراني اللي ف دبي

و يصير خير ان شاء الله

سلامات الغالية و الله يعافيج و يعافينا اربيعتي كان عندها ورم و سوت عملية لانة حميد و عقب جم شهر ظهر بالصدر الثاني و الحين تتعالج بحبوب لمدة 6 اشهر و عقب الله يستر و الله اعلم اسموحة:

الله يشفيكم يارب ..