ايام العرس ،، والحمل و عقب الاربعين شسوووي

سلااااام .. شحالكن بناات وحريم
اباكن تساعدوني ف شي .. يمكن بعضكن بيشوفه تافهه

بس واااااااااااايد مضايقني

الله يسلمكن من عرست وانا كله مستحيه من ريلي
ما البسله ولا اسويله واقول من اتعود عليه والحيا يروح مابخلي شي

ما مداني اتعود عليه الا وحملت وعاد ف حملي كله لايعه جبدي
وما اداني اسوي شي ولا اطيق شي

ونفس الشي مب معبرتنه وحليله ،، نفس الحاله قبل اقول من اربي
بدلعه وبسوي اللي ماسويته

بس احين احس جسمي مووووووووووووول مايساعد
احس جبدي لايعه من البطن والترهلات

وخاصه ان جسمي قبل الحمل كان بيرفكت يعني واااااااايد حلووو ما شاء اللله

بس ويا الحمل ماحاسبت ولا حافظت وزدت زياده فضيعععه
لدرجه اللي شافني من فتره مايعرفني

صح احينه نزل وزني وفررق عن وانا حامل

بس بععد يبين

ماعررررف شسووي
ابا اغيرر من عمررري ابا اسوي حق ريلي كل شي

احس ماعرف كيف بكون من اظهر من الاربعين

ساعدوني حبايبي قولولي شسوي

اول شي حبيبتي الحمدلله على سلامتج

ومبروك على ماياج

طبعا الخطوه الاولى الحين انج تبدين نظام غذائي ينفع للمرضعه اهممممم شي ،، وتسوين رياضه اقصد عقب الاربعين او بالوقت المناسب

ولاتحاتين حبيبتي يقولون الرضاعه تضعف

و الحين استوى لكم فتره معرسين يعني المفروض الحيا يقل وهذا ريلج حلالج
حتى لو مستحيه وايد وصعبه عليج بس حاولي ترى في هالشي اجر .. اولا قبل كل شي تسحضرين النيه في قلبج انج تبين تسعدين وتملين عين ريلج

وتدرجي شوي شوي باللبس من محتشم .. وسط .. الجريء للاجرأ
بالتعود خلاص يهون الموضوع تحسين عادي مع الايام

لاتنسين اذا ماشاف منج ومامليتي عينه باللبس وغيره وين بيشوف عيل

وسوي لج نيو لوك لو حابه تصبغين او تقصين شعرج وتتحنين

وان شاء الله وزنج ماعليه مع الايام راح يرجع مثل قبل بس شدي حيلج

وعوضي ريلج عن ايام الحمل بالاهتمام وجي
ترى الريال بيحس بالضيق اذا كل وقتج وحبج واهتمامج للياهل

ألف مبروك ما ياج الغلا … أنا رايي من راي ختيه بنت الشوامخ .. وزنج بيرد شرات قبل وأحسن بعد بس انتي ارتاحي الحينه وريحي بالج كل شي مقدور عليه .. أول شي اهتمي في أكلج وشوي شوي ابدي دايت مختص بالحريم اللي فالأربعين أو المرضعات ومارسي الرياضه .. ما شاء الله الأجنبيات وهن فالأربعين يمارسن الرياضه ويشدن أجسامهن ولا تقولين كأنهن حملن من قبل ونحن المشكله حريمنا فترة النفاس تلاقينها مهمله عمرها وما تتحرك ولا تسوي أي شي .. وان شاء الله من تخلصين الأربعين سوي لج نيو لوك حق ريلج أصبغي شعرج ولا غيري قصته وغيري في استايل لبسج يعني اللي ما كنتي تلبسينه قبل الحينه البسيه هذا ريلج إذا ما شاف عليج مل أنواع اللبس على منو بيشوفه .. وشوي شوي ان شاء الله المستحى بيروح وامورج كلها فالسليم …

دوم و انتي يالسه اشفطي بطنج على داخل .. شهر شهرين و بتشوفين الفرق ..

و عليج بالرياضة عقب شهرين من الولادة .. و كلي اكل صحي بعيد عن الدهون خاصة في فترة الاربعين الحرمه لها قابليه انها تضعف اكثر ..

تقدرين تدلعين و تسوين و تلبسين لبس ما يبين بطنج عدل .. الحينه اللبس اشكال و الوان ..

الجسم يبالج جم شهر لين تضعفين بس لاتهملين كثري من السوائل لان تفتح الجسم سوي حمامات مغربيه سوي خلطات طبيعيه امشي وايد بس بسرعه معتدله لان المشي يساعد ان المهبل يشتد سوي خلطات صابونيه غيري ف شعرج قصي صبغي. اما بطنج ف وحده تبيع زيت يشد البطن ويخفف الخطوط اللي تييج سوده مادري حمرا اختي جربتها. وايد وايد مفعوله قوي وطبيعي. والله يوفقج

الحمدلله عالسلامه ختيه ومبروك ماياج . .

اكبر غلط البنيه تهمل زوجها ، حتى لو انتي مستحيه لازم تكشخين لريلج
تتعطرين ، تدخنين ، تلبسين والخ
واحلى فترة فترة الملجة واول سنه زواج المفروض تسوين كل شي فخاطرج
وياه . .

هالاعذار بتيرج وبتخليج تهملين ريلج ولاسمح الله ممكن يشوف الفروق خلاف
بينه وبين اي زوج ثاني ، وممكن يطالع غيرج وبيكون له فرصه او عذر
انتي كذا وكذا وكذا وباقي الازواج غير =)

فأنصحج تغيرين جو وياه بشكل اسبوعي لو هب يومي ..
اطلعي من الاربعين وانتي هدفج خلاص بكون غير ويا ريلي
مول مابستحي بسوي كل شي . .
وموفقه عزيزتي

انا نفسج حملت بعد العرس بسررررعه ما مداني اتهنى بشهر العسل.. قبل لا اكمل سنه فالزواج يبت بنوتي وعقب ما كملت 7 شهور الا وانا حامل فالثانيه ولله الحمد . بس هم كنت اطلع لريلي اوقات عسبت ايلس وياه وجي وحتى الكشخه كنت ارتب اموري واتكشخ لريلي بالنسبه لي اهم شي ريلي وعقبه بناتي وعقبها بيتي والتنظيف وجي.. يبالج ترتبين اوقاتج عسبت تعطين ريلي من وقتج واذا عن المستحى شوي شوي بتتعودين لازم كل شي اتسوينه جدامه يوم تبين ترضعين ولدج او بنتج لازم ترضعين جدامه عسبت تتعودين احس هالخطوه بتنفعج واذا ع الجسم عندج نظام غذائي اتبعيه وشي طبيعي توج والده عندج تضاريس بارزه بس حتى لو وزنج ما رد مثل قبل بس هالتضاريس مال الحمل بتخف مع الايام اسألي المجرب هع

بالتوفيق