باص المدرسة ما يجي البيت

السلام عليكم
عساكم طيبيين خواتي
عندي مشكله ورطة كبيرة مع باص المدرسه وادري مالي غيركم يساعدني

انا مسجلة بنتي -الله يحفظ عيالكم -في مدرسة اسمها بيت المقدس الدولية
ومشتركة مع باص المدرسة ليوصل للبيت لكن الباص ما يرضي يجي البيت كل يوم الصبح امشي 250م او 300متر
يعني اقطع شارعين حتى اوصل الباص وانا مشتركة ودافعه الفلوس
لانه ما يرضى يجي البيت يعني اترك اولادي اثنين في البيت لوحدهم واروح اقطع شارعين حتى اوصل الباص
وكلمت سايق الباص كذا مرة ومدير المدرسه كلمته وماشي فايده
والحجة ان الباص كبير والطريق زحمة وما يقدر الباص يسير كل طالب لبيته وانا تعبت الصراحة وما ادري شو اسوي معاهم
وبنتي في كي جي وما اقدر اسيبها في الشارع لوحدها وعندي اثنين غيرها اتركهم بروحهم في البيت حتى اقدر اوصلها للباص
خبروني وين اسير اشتكي وكيف احل مشكلتي تعبت والله يجزيها كل خير الي بترد علي

اتصلي ع حكومه بوظبي يمكن يفيدونج
8005555
قولي لهم مشكلتج وراح يطرشون تقرير للمدرسه
واذا هو فعلا ما فيه مجال انه الباص يوصل للبيت.. حاولي تحصلين حل ثاني مثلا انتي توصلينها بالتاكسي او اطلعين رخصة قياده … لانه لو ما انحلت المشكله راح تستمر نفسها السنه الي بعدها

مشكورة حبيبتي للرد
لكن انا ماسوق ولا كنت ريحه نفسي من المعاناه كل يوم مع باص المدرسه

للرفع

دامج مشتركه ودافعه رسوم الباص ليش تستكتين عن حقج راجعي ادارة المدرسة وسوي لهم زوبعه وقولي دفعت مبلغ وقدره واخرتها جي

خلي زوجك يكلم السائق ويتفاهم مع الاداره طاما دافعه المبلغ الرجال يعملون لهم حساب