بالصور شي انا طبخته بس ما اعرف شو اسمه هههههههههههههه

:
/:

مقادير الطعم والريحة الغاوية اللي تطلع من العيش الابيض ..

.. مكعب زبدة – سنوت – هال – مسمار وان بغيتوا عيدان الجرفة واكيد الملح ..

نضيف هالمقادير على جدر الماي ونخليهم لين ما يغلي الماي ويفور

.. ويوم بيفور نضيف العيش ونخليه على النار لمدة عشر دقائق او ربع ساعة بس ما نزيد ابدا لانه ان زدنا بيتعفس العيش وبيكون لين شرات العرسية

.. ان استوى العيش شرات العرسية شليه خشيه في الثلاجة حق العشا وزيديه دياي وزيدي عليه السمن البلدي وكلوه على العشاء صراحة بعد بيكون لذيذ ولا تيلسين تقولين اهترس العيش وما ادري شوووه تيلسين تفضحين عمرج ويقولون هالبنت ما تعرف تطبخ لالالالالالالالالالالالالالا كوني ذكية وتصرفي بحكمة ههههههههههههههههه

ويوم بتخلص هالعشر دقايق اقبضي العيش واشخليه ولا تخلين قطرة ماي فيه ورديه في الجدر وخليه على نار هادية لمدة سبع دقايق وعقب سكري عليه حطيه وغطيه بالفوطة لين التقديم .. والسموحة عاد ما صورته وقت الشخااال ولا وقت التقديم ( لالالالالالالالالالا هب لاني تعبت من المطبخ لالالالالالالالالالالا لكن لاني كنت اهزب البشكارة لانها قامت حطت بصل في السلطة لا ومقطعته صغااار عسب ما اكله بالمره ( البصل يرقدني هههههههههههه )