بالنسبة لكيك وحلويات فرنسا وأوروبا

السلام عليكم
بنات ياريت تقدرون تفيدوني نحن كل ماسرنا فرنسا او البلدان الأوربية يخبل فينا مذاق الكيك والكرواصون والحلويات مالهم طعمها غير ولو يأكل منها الواحد شو ماكل مايملها ولا ثقل عليه خفيفة على المعدة وحتى شكلها تعشقه العين ….. المهم الله يسلمكم طلبي هو وين اقدر احصل شراتها بالدولة خصوصا بوظبي عيزت وانا اجرب محلات ومخابز وكوفيهات ماشي حتى قريب عليها ويحس الواحد انه نفس العجين بس يغيرون الشكل والنكهات لكن اللي نأخذ برا تكون كل نكهة بمكونات غير عن الباقي
فياريت فديت روحكم اللي تعرف بوين ما تبخل علي ويجزاكم الله خير

طبعا مال برع طعم ثاني .. وماعتقد تحصلين ..

والله يا اختي زوجي سافر لاوروبا من فترة
تحديدا ايطاليا والمانيا وقاللي بالذات ايطاليا في كل شي يستخدموا البيرة او الخمر بمعنى اوضح
طبعا فترتها زوجي انهلك من الجوع لانه زي ماقلتي الشكل والريحة لاكلهم فظيعه
حسب ما فهمت انه البيرة تعطي العجين هشاشة وخفه اكبر
الله اعلم اذا كل بلدان اوروبا نفس الشي اكلهم
والله يبعدنا عن الحرام

ما اعتقد لانه في كم من محل حصلنا فيه عرب يشتغلون وسالناهم عن سر الطعم وعن اذا داخلة فالكونات أشياء حرام من مشتقات الخنزير وغيره وقالولنا أبدا بالعكس كل المكونات فرش ونوع الزبدة من الممتاز والطحين وغيره
والله الواحد يتمنى بصراحة لو تكون شرات هالمحلات بالدولة

فزعتكم بنات ضروري