قلت بنزل هالموضوع عشان نسولف وندردش مع بعض عن الأعراض اللي نحس فيها ومن شو نشتكي وعن تجهيزاتنا بإذن الله,,, وان شالله نستفيد من بعض,,
الله يرزق كل بنات أمة محمد المحرومات الذريه الصالحه يارب في هذا الشهر الفضيل,,آآااامين يا رب العالمين,,,
ببدأ بالمشاركه,,,,
الحمدلله هذا ثاني حمل لي,,,
عندي بنوته عمرها سنتين وشوي,,, وقالولي أني حامل بولد الحمدلله,, ومعطيني تاريخ 2024 ان شالله بربي فالكورنيش,,, الله يتمم حملنا على خير ويبارك إلنا في عيالنا يا رب,,,
من حملت وأنا أشتكي من آلام فالحوض ((مكان المبايض بالضبط)) وكل ما أروح أفحص يقولون لي كل شي سليم الحمدلله,,, يمكن الرحم يتوسع ومن حرمه لحرمه تختلف الأعراض ,,الله أعلم,,,,
أأااممممممم وعندي سكر حمل بس ما آخذله علاج يعني أحاول أسيطر على نفسي عند الأكل,,, على فكره ألحين من يومين قمت أفطر لأن السكر من أول رمضان قبل الفطور بساعه يكون نازل وايد ويسبب لي دقة قلب قويه مع عرق وأقعد أتريا وقت الأذان ومجرد ما آكل شي بسيط يرجع يرتفع بسرعه يعني يرتفع فوق المعدل الطبيعي,, فأطريت أفطر هاليومين لأني خايفه على النونو,, الحمدلله على كل حال,,,
وبالنسبه لتجهيزات النونو بدأت أتشرا يوم لاحظت أن محلات الأطفال مسوين تنزيلات خميت لي كذا بدله وأفرولات غليظه وتنفع للشتا وبعضهن مب فالتنزيلات ما كثرت بتريا كولكشن الشتا ينزل وان شالله بنزل إلكن الصور قريب,,,, أأأااااممممم وبس,,
شكلي وااايد هذربت ,, يالله دوركن ألحين,,
…بس احسن شي سويتيه انج شريتي الاغراض من الحين عشان التوفير وخصوصا اذا عيبج شي لانه وايد الاسعار تكون نازله …
على فكرة ولدى تقريبا كبر بنتج عمره سنتين وشهر
حمدالله الحمل عندي زين بدون وحام
بس يوم ارقد ما اقرد من كرش خخخخخخخ وااايد يتحرك بالليل ما يخلني ارقد زين
وقالوا لي حامل بولد والحمد لله . أشتريت شوية أغراض للياهل وعقب العيد إن شاء الله بكمل الباقي .
ماحد يعرف يا خواتي متى بنربي بنكمل لين التاسع ولا قبل . فعسب جي الواحد يزهب أموره من الحين.
والله تعبانة وايد من الحمال . وتعبت من إبر التثبيت كل أسبوع إبره .لأني سقطت 5 مرات من قبل والله يتمملي على خير .
وبعد بربي شهر 12
^.^
جهزت ملابس بسيطة شتوية من البيبي شوب
وان شاء الله بعد العيد بكمل
لأن الحين فالسابع نتعب من المشي
وين عقب فالثامن والتاسع
والله يسهل علينا جميع يارب
^.^
المشاركة الأصلية كتبت بواسطة بيت البسكويت 
…بس احسن شي سويتيه انج شريتي الاغراض من الحين عشان التوفير وخصوصا اذا عيبج شي لانه وايد الاسعار تكون نازله …
على فكرة ولدى تقريبا كبر بنتج عمره سنتين وشهر
هلا غناتي,,, الله يحفظلج ولدج يارب وعقبال ماتيبين له أخت أموره مثل أمها,,,,
أنا كنت رايحه المحلات في وقت التنزيلات أبا آخذ لبنوتي,,, بس عقب والله والله ظلمتها أغلبية الأغراض للنونو وهي بس شي واحد أو شيئين خخخخخخخ,,,