خواتي يزاكم الله خير منو تعرف كيف ممكن أقدر أشكل الكاكاو الخام بأشكال على كيفي .. وأحشيه بعد بخلطات حلوة ومختلفة .. مثل اللي في المحلات الجاهزة ؟؟؟
أنا دورت ودورت ودورت بعد .. في النت وما توصلت إلا إلى بعض المعلومات البسيطة ..
في بعض الطرق تقول ذوبي الشوكولا الخام في حمام مائي .. وردي حطيه في حمام ماي بارد ( مو مثلج) وردي حطيه في حمام ماي حار مرة ثانية …
وطرق ثانية تقول ذوبي الشوكولا الخام ويا زبدة .. كل أونصة ( 31 غرام ) شوكولا له ملعقة شاي زبدة
أو 1/4 كوب زبدة لكل كوب شوكولا خام ..هاي المعلومات اللي جمعتها :1 (7):
نيي للتطبيق .. بعد عناء البحث والتنقيب ومتابعة حلقات عن الشوكولا في قناة فتافيت الأكثر من رائعة ..
ما ظبطت الشغلة وما أدري تحديداً شو الأسباب ..
أول شي أنا ذوبت 500 غرام من ألواح شوكولا خام بالطريقة الثانية بدون زبدة .. وكان زين نوعاً ما .. بس يوم قمت أصبه في القوالب حسيته ثجيل شوي مو مثل اللي في قناة فتافيت سايح ويصبه صب ويقلب القالب عشان الزيادات تنزل بروحها ..
فقمت وحطيت زبدة تقريباً .. 100 غرام أو 125 غرام .. أنا يوم حطيت ال 100 غرام أعتقد كانت زينة نوعاً ما بس يوم ظفت الزيادة جمدت الشوكولا واستوت مثل موس الشوكولا تقريباً يعني بدال لا أكحلها عميتها .. بدال لا ألينها أكثر جمدتها أكثر .. وتحبطت .. وغيرت الحشوة اللي كنت بسويها .. كنت بسوي حشوت كراميل .. بس خلطت حليب محلى مركز مع شويت مكسرات .. وحاولت أسكر القوالب بالشوكولا الجامدة .
فيا ليت للي يحبون ها السوالف يفيدوني .. إذا عندهم تجارب سابقة في مثل هذا الموضوع .. مع اقتراحات لحشوات مختلفة .. وأماكن الحصول على الشوكولا الخام غير كارفور .أنا يبتها من كارفور للتجربة وين ممكن أحصلها في راس الخيمة تحديداً ..يقولون متوفرة في محلات تجهيز الحلويات هل هي ( المحمصة ) .. عطوني مثال لمحل معين إذا ممكن .:1 (4):
وعذراً عل الاطالة
ومشكورات خواتي
.gif "12 (15)")
مشكورات خواتي ويزاكم الله خير .. وعقولة ولا وحدة عندها خلفية عن الموضوع !!!!
وبعدها تجيبين قوالب ثلج باشكال حلوه انا شريت هالقوالب من عندكم ف الامارات من ايكيا وطبعا من اماكن مختلفه بعد وتصبيين الكافي ف القالب وتزينينه بالمكسرات ولا بقطع من الحلاوه ولا الكورن فليكس يعني انتي اللي تحبينه
اذا حابه تسويين الكافي الحليب تجيبيينن بعد خام الحليب وتذوبيه وتصبيين فوقه بعد مايجمد اللي تحت اللي هو الكافي الكاكاوو وبعدها تحطين القوالب ف الثلاجه لمده ع الاقل 5ساعات او يوم كامل
وبعد ماتطلعين القالب من الثلاجه تقلبينه << نفس مانقلبه عشان نطلع الثلج هههههههه ان شاء الله بس فهمتي علي وعليج بالعافيه فديتج <<< ادري ان شرحي سخيف هههههههههه بس شاسوي بسرعه بسرعه لاني داشه ادور لي سويت ولقيتج حاطه الموضوع
تسلمين لي اختي مرام_ QaTaR .. والله يجبر بخاطرج دنيا وآخرة
ولو سمحتي ما أسمح لج تقولين عن شرح اخت غالية – عبرتني في ها المنتدى الغالي رغم تغلي عضواته عن الرد لخواتهم ولو بنصيحة على الطاير – ان شرحها هذا سخيف إلى فيه البركة والفيدة _ ان شاء الله – والله يجعله في ميزان حسناتج اخيتي .
وتسلميييين .gif "12 (43)")
انا خذت من عنده واااايد حيبني وسويت للصغاريه منه وااايد استانسوا منه
انا الي سويته ذوبت الجالكسي الكبير وصبيته في القوالب .. وحطيته في الثلاجه يوم كامل وطلعتهن وعطيت اليهال ياكلون منه باشكال حلوووه …