ابي اعرف كيف طريقة البثيث والخبيص ومكوناتها
من زمان ما كليت منها وابي اسويها
ومشكورات
سلااااااام
الغالية بالنسبة للبثيث
أول شي تحمسين الطحييييييين في المقلاه بدون زيت لين يحمر وتتركينه على جنب
وتيبين التمر وتنظفينه من النواة وتدلكينه بيدج وتحطينه على الطحين وتدلكينه وتحطين عليه سمن عربي وتدلكينه حتى ينعم التمر ويمتزج مع الطحين
وبالنسبة للمقادير على حسب الكمية اللي تبينها
والخبيص
تحطين الشكر في القدر وتحمرينه وبعدين تحطين عليه ماي مقدار علبة السميد ونصها يعني علبة ونص ماي حلو الكلام وتحطين فيه الهيل الزعفران وتقدرين تحطين قليل من الصبغة وتخلينه لين ما يختفي تكتل السكر
وتحمرين علبة السميد في قليل من الزيت حتى يحمر وتحطينه على الماي مع التحريك وعلى نار هادئة وتغطينه زين وكل شوي تحركينه حتى يتفتفت وانا عن نفسي احط معاه المكسرات والزبيب
وعليج بالعافية الغالية
وياريت تقوليلي رايج
اسمحولي دخلت عليكم غرض
انا بقولج طريقتي في عمل البثيث
جيبي التمر وحطي عليه دهن عربي وتمي تدلكينه لين لونه يتغير على اللون الذهبي احسن شي نوع التمر الخلاص وطبعا تخوزين عنه النوا اتيبين طحين واحلى شي طحين البر واذا ماتوفر عندج الطحين العادي مال خبز الرقاق مب مال الحلويات وتحمسينه على النار لين ياخذ لون ذهبي
اتييبين سنوت وجلجلان ومثيبا وحمسيهم كل نوع عن جنب وتحملي عن يحترق تحميس على نار هاديه
بعدين نطحن بهارات البثيث اللي هو السنوت والمثيبا والجلجلان ولاتكثرين من البهارات بعدين نحطهم على الطحين وتمر وتزيدين عليه دهن عربي ونتم ندلكينه مع بعض وصدقيني احلى شي البهارت يخلي البثيث طعمه روعه
والخبيص نفس طريقه غلا عيمان
انا ماسوي الخبيص وايد عيالي يعيبهم العصيده اكثر شي تعيبهم
وسموحه منج يالغاليه
اي سؤال انا خاضره
المشاركة الأصلية كتبت بواسطة جنة أمل 