خواتي انا حاسه من يومين اني مب متحمله بيت أهل ريلي مع انهم مب مقصرين فيه هل في وحده مر عليها وحام جذيه؟؟ دايما المغرب يوم ايلس وياهم تيني هذي الحاله واحس ابا اروح عند أمي واقول انا شوميلسني عند هذيلا!!
والله مستغربه من عمري .. على فكره باقي 10 ايام عن موعد العاده بس حد يقولي عادي يبين الوحام مرات قبل
انتظر ردكن ودعواتكن اني اكون حامل وبس مايكون هذا وحامي صدق بتعب
ولا وحده ردت عليه ؟ لا تتجاهلون موظوعي خواتي
الغالية تريي لين موعد الدورة وان شاء الله تكونين حامل
انا قبل ما ادري اني حامل من فترة التبويض وانا لايعة جبدي
والحمدلله اللوعة لين الحين ما خازت انا في اخر الثالث
مرات اهل الريل يرفعون الضغط …خخخخ
بس عادي اتريا شوي وسيري الدكتر
بس عادي اتريا شوي وسيري الدكتر
ما ظني عزيزتي
لين ما اطوفين موعدها ع الاقل ب 10 او 15 يوم يبتدي لوحام
ممكن تكون ضيجه فيج ..
الله ايسر امورج
مشكورات خواتي على المرور
ام عبدالرحمن بالعكس اهل ريلي محد مثلهم رافعيني على كفوف الراحه ومحد مزعلني فيهم من كبيرهم لين صغيرهم ولله الحمد .. بس ماعرف ليش دايما في وقت الفطور احس هالاحساس
يمكن وحام.