بداية الطلق

فديتكن أنا قمت الصبح وفيني الم مثل الدوره ويوم سرت الحمام عزكم الله نزلي دم مع ماده مخاطيه هل هذا بداية الطلق ردن علي فديتكن بسرعه

اذا انتي فشهرج فهذا بداية طلق

امشي حبيبتي وشربي حليب فيه عسل

والله يسهل عليييج

هيه هذا هو بداية الطلق
تنفح سدادة عنق الرحم وتنزل الافرازات والدم المخاطي لتطرية عنق الرحم استعداد للولادة
وان نزل عليج ماي او ما نزل مع ويع قوي يسير ويرد وبشكل منتظم ويشتد عليج كل ما مر الوقت لازم تسيرين المستشفى عشان يجيكون كم فاتح وان شاء الله تربين بالسهالة والسلامة يارب

انزين مافيني ويع والحين قاعده اشرب زعتر فيدوني الله يخليكم لاني تعبت من كثر ما اسير المستشفى ويقولولي طلق كاذب

لازم حبيبتي اتريي شوي بيزيد عليج الويع و تمي على شرب الزعتر تراه يحمي الطلق وامشي قد ما تقدرييين

بس لا تستعيلين وتسيرين المستشفى تريي الين يزيد الويع كل 3 دقايق احسن

والله ما اعرف ماجربت بعدني

الله يسهلها عليج ياااارب ويردج لنا بالسلامه

تسبحي بماي دافي وشوفي عمرج

اذا دم وانتي في شهرج هاي السداده .. اتريي الالم في البيت ويوم بيزيد روحي اتوكلي بتكون ان شاء الله ولاده
امشي وتحوطي بالبيت عشان يتبطل الرحم
الله يقومج بالسلامه
وطمنينا